كيف نقدر نحقق دوري زين

السلام عليكم ورحمة الله وبركاته
كيف نقدر نحقق المركز الثالث :
الحين النصر الرابع ب20 نقطة من 11مباراة
يعني باقي له مباراة موجلة مع الاهلي
اليوم مباراته مع الفيصلي ان شاء الله لو حقق نقاط المباراة يصير 23نقطة
الثالث الشباب عنده 12 مباراة ونقاطه 23
يعني لوفزنا في مباراتنا مع الاهلي الموجلة نتساوى مع الشباب 23 نقطة
وان شاء الله يتعثر قبل ما نلعب مباراتنا الموجلة

الحين نحسب كيق نقدر ناخذ الثاني:
الفتح المركز الثاني عنده 32نقطة
يعني الفرق بينا 12 نقطة لو فزنا اليوم على الفيصلي يصير الفرق 9 نقاط بس
وفزنا في المباراة الموجلة يصير الفرق 6 نقاط
الجولة القادمة مباراتنا مع الفتح في الرياض
والنصر هو الفريق الوحيد من الكبار اللي مافاز عليه الفتح.
ان شاء الله نحقق الفوز يصير الفرق 3 نقاط بس .
الجولة 15 مباراتنا مع الرايد .
ومباراة الفتح في نفس الجولة ضد الهلال يعني مباراة الاول والثاني .
الهلال بالطيب بالغصب لازم يفوز والفتح في ارضه صعب المهم حيلهم بينهم.
لو تعثر الفتح يصير الفتح متساوي معنا ولو فاز الفتح نقرب من الصدارة اكثر واكثر.

كيف نحقق المركز الاول:
الهلال الفرق بيناالحين 9 نقاط
مباراته بعد القادمة راح تكون ضد الاتحاد ان شاء الله يفوز الاتحاد يصير الفرق 6 نقاط
لو فاز الفتح في الجولة 15 يكون الفرق ان شاء الله 3 نقاط
قبل لا يلعب مباراته معنا راح يلعب مع الاتفاق في الدمام ثم يلعب معنا ان شاء الله يكون الفرق صاير من نقاط
الى التساوي .
كل هذي الحسابات ماراح تنفعنا الى بشرط واحد بس
الـــــــــفـــــــوز بــــــس