هياط , تخدير , وعود " لاجديد "

تركت المنتدى فتره و رجعت لقيته مثل ماهو ناس تطبل و ناس تنتقد
الغريب ان المواضيع ما تغيرت كثير " فيصل بن تركي , ابعدواا فلان , الاسطورة القادمه "

حتى النصر ما تغير كثير هياط قبل الموسم و النصر منافس قوي و الدوري نصراوي , بعد اول مبارتين يطلع لنا الرئيس يقول اصبرواا , بعد مانخسر كم مباراة يبدأ الحديث عن التحكيم و تخدير الجمهور , قبل الانتقالات الشتويه يعود الهياط , بالانتقالات الشتويه تبدأ الاعذار , نفوز على فريق ضعيف بنتيجه كبيره يبدأ التطبيل , نخسر من فريق قوي
انواع التحطيم , قبل نهاية الدوري يطلع لنا الرئيس و يقول الموسم هذا راح علينا الدوري و راح ننافس على البطولات ذات النفس القصير ,نطلع من كل البطولات ذات النفس القصير , يطلع الرئيس يعتذر و يقول الموسم القادم افضل و كل موسم نفس الحكاية ..

يعني قبل الموسم طموحنا الدوري , بنص الموسم مركز يأهلنا لـ اسيا , نهاية الموسم ننافس على مركز
يدخلنا كأس الملك و بالاخير خروج من جميع البطولات و يبدأ الحديث عن الوفاء و الوقوف مع النادي ..

الزبده الخشبيه قتلت الدوري من الوريد الى الوريد .و اتمنى الوقوف مع النادي الى نهاية الموسم
جاب لنا بطولة حلو ما جاب لنا راح نقاطع النادي لين يجي واحد يحس و يشتغل زي الناس
و لحد يزعجنا بالوفاء لآن اشوف هالوفاء دمر النادي " 13 مدري 14 سنة لا مستوى ولا بطولة "