بسم الله الرحمن الرحيم
حبيت اتكلم عن الاشياء والاراء والمواضيع اللي شفتها بعد مبارات الفتح
اول شي موضوع كانيدا :
كانيدا جالس يسوي كل اللي عليه كمدرب و مو مقصر مع اللعيبه ووضع الخطه حسب الامكانيات الموجوده عندو فا ليش الانتقاد وليش كل ذي الحملات لاسقاطو معليش الجمهور واعي وعندو عقل وما يتلعب عليه بسهوله المشجع الواعي اللي شاف المباراه حيمتدح الفريق ولولا الاخطاء الفرديه للمنتشري كان الاتحاد خرج فايز فما ذنب كانيدا اذا كان سبب الخساره اخطاء فرديه عجبي عليكم يا جمهور العميد
ثاني شي موضوع محمد نور :
محمد نور لاعب كبير صح انو مستواه نزل عن اول بس بخبرتو ممكن يساعد الفريق واللي يطالب بالاحلال الكامل معليش على الكلمه بس والله ما يفقه شي في الكوره محمد نور لاعب خبره واي فريق يتمني يكون له لاعب خبره كبير لنور اذا لم يكن لسبب فني فا لسبب روحي وتشجيع الاعبين الشباب والموجودين في المباراه فا لو سمحتو يا جمهور العميد لا احد يقول كلام ومهو عارف نتايجو الحقيقيه
ثالث شي عن فهد المولد :
انا اذكركم يا جمهور العميد اللي حيضيع الاعب هوا جمهور العميد نفسو من التضخيم اللي يشوفو الاعب في المنتديات
يعني الشاب دوبو طلع للفريق الاول وفي ناس يقولو عليه هذا الاسطوره وربي مررره بدري عليه يكون اسطوره صح انو لاعب ممتاز ويجي منو بس لسه قدامو مشوار طويل انو يكون اسطوره للاتحاد مثل الكابتن الاسطوره نور
ويا جمهور الاتحاد لا تجعلو صغار السن اللي يكتبو بعد المباراه مواضيع اقل ما اقول عنها سخيفه انهم يوهموكم بالمكتوب عن لعبيه او مدرب الاتحاد
صدقوني كنيدا شغال كويس بس اعطوه عناصر ممتازه وتشوفو ، يا ناس المدرب بيلعب بمحترفين اجنبيين فقط افهمو ومباراه الفتح لعب بامبامي فقط من بين المحترفين
يعني صبركم وحتشوفو كنيدا دا اللي مو عاجبكم
وصدقوني لو راح كنيدا الفريق حيرجع منهااااااار صدقوني
ودي الفتره النادي محتاج جماهيرو فا احسن من انك تنتقد روح وادعم النادي اقلو بالتشجيع ودعم اللعيبه مو تحطيمهم والله عيب علينا
ومعليش اني طولت عليكم
ويا رب وفق الاتحاد في كل زمان ومكان يا رب
وشكرا :it:it:it:it
