لاعبين زي قلتهم حيضيعوا علينا البطولات

والله مو معقول اللي يصير وش هالتخاذل وش هاللعب السئ الا ميت لاحد يقولي الاداراه اللاعبين هم السبب الاول في تراجعنا ضيعوا علينا الدوري ودوري ابطال اسيا والحين نتايج سيئه في الدوري لمتى يعني واليوم لعبوا البدلاء ولاواحد فيهم سوا شي ولاحسسونا انهم في الملعب بالله ذا لعب يعني بدون فيكتور ماعندك احد حتى عماد مستواه نزل وعماد معذور ولابد له من راحه لانه من منتخبه للاهلي مااخذ له فتره يرتاح فيها لكن عتبي على الباقين اللي ولاواحد قدم مايشفع له بالانضمام للاهلي صفقات طرتوا فيها وكلها ما فادت وش سوا بدر خميس وعيسى ولاشي زي قلتهم لا والمضحك انه لاعب الاهلي المنتقل للتعاون علاء ريشاني هو اللي سجل فينا سبحان الله تجيهم طاقه غريبه بعد ماينتقلوا من الاهلي وبالاخص لما يلعبوا ضد ناديهم الاول

اااااااخ يالقهر دفاعنا لو ماتغير خذوها مني لاحنشوف دوري ولابطيخ اعذروني والله انقهرت من اللعب السئ اللي اليوم وكمان حرام الجمهور اللي يازر ويحضر ويشجع واللعبين ولا في بالهم يلعبوا ببرود شديد ماتت الروح فيهم حسبي الله ونعم الوكيل نفسي يحسووا باللي يقوما فيه رجالات الاهلي معهم والله ماقصروا ابد كل شي وفروه لهم ماخلوا عليهم قاصر ايش ناقصهم بس لذا انا اطالب الاداراه بفرض خصميات على اللاعبين نتيجة هالمستويات التي لاتليق بالملكي وكذلك اتمنى من الجمهورعدم حضوره للمباريات حتى تتعدل المستويات ويحققون نتائج ترضي جمهور الملكي