قوطي يتسدح على الهاف....... مون
[ALIGN=RIGHT]الزمان:باقي شوي على أذان المغرب
المكان:عند الهاف مون بالشرقية
التاريخ:عقب اختبارات المدارس بأسبوعين
=======
الساعة5 عصرا
جت ذيك العائلة المكونة من:
* أب(أصلع الرأس كنه زيدان لا ومن زين الطبايع واضح حد العقال على صلعته ,دب,كرشة (يصلح مدير فرع بنك ) ,لابس سروال قصير(بعذره حر ورطوبة )
*أم(لابسة عباة وطرحة من حقات العجز,ريحة يدينها كراث ,ماتسكت أبد,محنية يدينها في مقتبل الاربعينيات)
*بنت(حصيصة)(منتفخة ,عيونه تقل عيون بعرصي ملزوخ بزبيريه(أبوك يالتشبيه ) ,اذانها تجيب عجمان قزازة من كبرها ,باختصار تقول لعايشة الكيلاني انتي قمر 14
*ولد(صويلح)(دلخ,عجاز درجة أولى,شعره طاير كنه مار من فوق راسه هيلوكبتر,فاتح أزرار صدره,حافي ,لابس بدلة رياضية وطاقية(على إني قوطي وفاضي بس مافيه أمل ألبس كذا
* بنت(منى) ثانية(واااااااوك) قمر أربع طعش,ممشوقة القوام,جميلة الملامح,شعرها أسود وحرير,مرتبة البنت شغل عدل باختصار نقدر نقول عن البنت انها
=============
نزلوا وجابوا فرشتهم وجابوا الشاهي والقهوة وأول ماجلسوا تبطح هالشايب على الفرشة وولده زيه(ابن الوز دجاجة{مذبوح على الطريقة الإسلامية })
قام الشايب وقال ياصويلح قم قامت عصبك نزل المركة
صويلح:يبه تعبان وعجز أقوم شف حصيصة واقفه خلها تجيبها
طرقع دب(صوت ولد عمي(قوطي ) مستفهم على جبهة صويلح)
افففففففف أشوى اني مانيب حولهم <<كلام القوطي= حديث النفس
الاب:قم ووجع(حصيصة منسدحة من الضحك ) ياحبكن للشماته يابنات
جاب المركة صويلح وجلس متسدح له ساعة إلا ربع تقل شايل جبل أحد فوق راسه
الام:ايه قلت لي ياأبومنى(منى أصغرهم بس قهر يقولون ابو صويلح ولا حصيصة هالشيون ) وش صار على إجازتك قدمت
نطت حصيصة:ايه يبه قدمت ولا لا... ترى انت واعدنا.. ولا تصرفنا.. شكلك ماقدمت.. ليه ماقدمت.. الصراحة مالك داعي يبه(تقل تمون )
منى:ايه يبه صحيح وش صار طال عمرك عساهم وافقوا على إجازتك الله يخليك بابا ودنا نروح نغير جو بعد الاختبارات والمذاكرة
صويلح:لا يبه ماودنا(هو وده يروح بس ماعنده طاري يجلس يشيل ويحمل زول ماهو فاضي)
حصيصة:انت صويلح ولا كلمة بعد لك وجه تكلم ياللوح اجل احد يبرشم بالخط ياكرتون
صويلح حمرن عيونه:اقول لايكثر يا انتصار الشراح تجميع فنزويلي ازين من اللي مقابلة اربع جدران مافلحت
طاااااااااااخ(صوت فنجالين قهوة واحد انطلق من الاب تجاه البنت وواحد من الام تجاه الولد)
الاب:وجع يوجعكم كل عمركم هواش
صويلح وحصيصة:بس يا...
الاب: انطموا بس
ايه قدمت اجازة ووافقوا عليها بس عاد ماقلتوا لي يا عائلتي الكريمة وين تبون نروح بهالعطلة
الام:ياأبو منى ودنا ناخذ لنا عمرة
صويلح:لا يمه لاحقين على العمرة خلينا نروح للبحرين(أيا السربوت وش تبي بالبحرين )
حصيصة:يبه يبه وش رايك نروح لمصر؟؟؟؟
منى:يبه الشور شورك والرأي رايك بس عاد مامثل الجنوب كل شي رخيص(ايه طيب ) والسياحة جميلة(صفقيني زينه) والخدمات متوفرة(ايه هين ) وفيه اهتمام بالسياحة(يجيب الله سيل )
الاب: والله رايك جيد يامنى طول عمرك عاقلة الله يسعد زوجك ياهنيه من كنتي من نصيبه
الام:اي والله
منى حمر وجهها وابتسامة خفيفة(ياااااعمرررررررري انا وانا قوطي رحت وطي عاد وشلون انتم ) يبه كله من تربيتكم انت وأمي الله يعطيك العمر والصحة والعافية
صويلح: ومازولا بعد لاتنسونه (كالعادة جته رجفة مع ضروسه من الشويب)
الاب:اجل على بركة الله نروح لمكة وناخذ عمرتنا ونروح بعدها للطائف على الباحة على أبهاوكم منطقة بالجنوب
صويلح:يوووووووووووووه كل ذولي وهمن قولوا شل الاغراض ياصويلح نزلهن ياصويلح ياربيييه
لحظة سكوووووووون صويلح ينتظر الضربة لكن صار شي غير متوقع
قام الاب: وقال ياولدي ياصويلح لاتخاف كلنا نعاونك وان شاء الله ماراح تتعب
صويلح انهبل معقولة ذا أبوي ويفرك عيونه ماش ماصدق يروح لحصيصة ويقول هو علم ولا حلم تكفين اضربيني
هو قالها والا حصيصة تبرم راسه بذاك الكف اللي يحبه قلبك
قام يبي يتوطاها بس تذكر انه هو اللي قالها عاد جاك يقاله يبي يتدلع جاز له حنان ابوه ورقته ويجيك ويسحب المركة منه ويقول بس يا أبو منى(اووه طيح الميانه ) مهما كان تعب علي
طرررررررررررررررررررررررق ع( صوت يد أبوه على علباه) دببببببب(صوت رفسة) قم قامت عصبك لابارك الله فيك والله قلة الادب
ضحك صويلح بينه وبين نفسه وهو يحك رقبته وقال:ايه ذا ابوي
فترة سكووون وهدوء وهم يتقهوون الشاهي مادروا الا حصيصة نقزت وتصرخ يووووووووووووه تأخرنا على العرس
هي قالت عرس وإلا الام تعض عباتها وتشبهم يالله يالله يالله وصاروا حوسة وصاروا يركضون ويناقزون كل واحد يدور مايدرون وين يروحون وصويلح متبطح ويقول: ياحليلكم كنكم هنود حمر(يحليله صويلح يتابع أفلام الهنود بالقناة الثانية ) ويضفون العفش ويطيرون للسيارة
وخلوني أنا القوطي لحالي لكن هم راحوا وانا راح قلبي معهم قلبي اللي عمره ماحب حب منى بس القهر اني قوطي
آآآآآآآآآآه يالقهر أجل انا قوطي وحصيصة وصويلح بني ادميين
==============================
===========
الساعة :6
لبقت ذيك الددسن 89 غمارتين منزلة مظللة نزل منها أربعة شباب
*عمر(شاب مرسم,لابس,تقل رايح لعرس,مايقدر يلتفت واجد يخاف تخرب شخصيته,مطلع جواله وماسكه بيده بزعمه شوفوني معي جوال(القفل مادرى انه بالليل )
*عبدالله عربجي,الشماغ على الكتف على صفته من المغسلة ,طاقية وفوقها عقال,سلسلة طولها متر مكعب(قوطي لاتشرهون ) ,فاتح صدره
*ابراهيم (ولد سنع,شقردي,سنع,عاقل,تلمح في عينيه الطموح,خفيف دم(كنه أنا *سعد:كومبارس من راحوا إلى مارجعوا وهو نايم شكله يحول مارة عليه ذبابة التسي تسي عشان كذا وشوله اوصفه مشوار(حتى القواطي فيهن عجز
====
نزل عمر وهو مرسم وكاشخ ويالله يلتفت انا اللي باط تسبدي كل هالكشخة وتاليتها زنوبه ونزل ابو عابد وهو يغني(خلاص من حبكم يازين عزلنا) شفت ياروميو
وبعدين نزل ابراهيم ونزل الفرشة ونزل الدافور وشب على الشاهي(ياخلفهم يابرهوم )
جاك ابو عابد وحط الدافور بجنبي وشب على الجمر(اخذ الله وجهك يهالشين مو كافي رطوبة وحر )
ويجونك ويجلسون
عمر:فاتكم شباب اليوم بالراشد ياربي أنواع الترقيم تصدقون جتني وحدة تقول لو تسمح عطني رقمك(وزززززززززززززززززز طعععععع )
ابو عابد: اعنبو بليسك لابغيت تسذب اتسذب زين تجي وتطلب منك رقم
عمر :أي والله والله....
عبودي:اخس واقطع اها بس وشو عليه ياوائل كفوري فرع الحوطة إلا انت منشفن ريق البنات من كثر...
برهوم:عمر ياأخي متى تعقل يااخي والله عيب اللي تسوونه الواحد مننا مايرضاها لأهله طيب ذولي بمثابة خواتكم
عمر: يارجال......قلت لي أبو عابد متى مظلل سيارتك(بزعمه يصرف مادرى ان ابو عابد مليعين)
أبو عابدمتسلقي على بطنه وماسك لي الشيشة :خل التظليلة وجاوب على كلام الرجال لاتصرف<===== هنا توجد انواع اللعانه
عمر:اوووه كل واحد ينام على الجنب اللي يريحه
عبودي: فاتكم نص عمركم امس؟؟؟
برهوم: خير اللهم اجعله خير؟؟
عبادي:امس واحد مستلم شارع الموت جلنطات وسلسلة وتربيع
برهوم: جاك الثاني بالله عليك اذا شفت أو سويت مثل ذا وش تستفيد تثبت انك رجال************؟؟ فنان؟؟ وبعدين؟؟ حرام تروح اموال وضحايا بسبب طيش
ابو عابد: يلعب بالسلسلة كان هالقوطي (قوطي غيري قوطي سفن اب فاضي ) جاب خبر فعبادي جاب خبر مزلب
عمر(لقاها فرصة ينتقم):سخيف هوايته اسخف
يجيك عبادي يقول:انت لايكثر على الأقل ما ألاحق بنات الناس يالمارج
عبادي: هاه خويا للملعب شباب؟؟؟؟
عمر:لا ان شاء الله وع ملعب ازعاج وصجة ودجة(ياااااي ياربي )
برهوم:قدام عبادي بس بشرط انا أسوق ماحنا بناقصين هبال
عبادي وهو : خلااااص أمرنا لله
يالله نمشي
عمر:يقوم ينفض ثيابه ويقول افففففففففف قرررررف
عبادي:راح يكب الجمر بالبحر(يارب يدخل به جني )<====حاقد ليه يشب الجمر جنبه ضاقت
برهوم طير شلوى:ضف الفرشة وركب العفش سنايدي والله
راحوا بطريقهم وأنا أقول الله يحرسك يابرهوووم
واقول آآآه يالقهر اللي عبادي وعمر اوادم وانا قوطي
=============
في تمام الساعة 12 ونص
لمحت سيارة البلدية قادمة من البعد وشفت القواطي تهرب كأنها خشب خشب بمكه اذا سمعوا طاري البلدية(امششششش يالتشبيه هذا يسمونه مقلوب )
هجيت مع من هج لكن وجدت البحر قدامي وقلت: البحر من أمامي والبلدية من خلفي
قررت اني أخوض لجج البحر لكن ماعلموني اهلي السباحة
جيت بنتحر وأنا أقول (بيدي لا بيد ابو هنود)
بس تذكرت ان جدي يروي لنا عن جد جد جد ام جد خالة جده اجيب قوطي(على وزن شجرة)العائلة لكم يقول القوطي الأكبر انه كان مره بأرض معركة وسمع الشاعر أبو فراس الحمداني يقول:
وقال اصيحابي الفرار أو الردى...فقلت هما أمران احلاهما مر
ولكنني أمضي إلى مايصيبني...وحسبك من امرين شرهما الأسر
أخس يالقوطي قوطي ومثقف
ودمتم سالمين[/ALIGN]
