ليتني رئيس النادي+اسامة والفريدي سيضيعو

السلام عليكم

انا اقلكم ليش اتمنى اكون رئيس النادي حاليا عشان اتخذ اكثر من قرار انا متأكد انها بتفيد النادي وانا حاس انه الادارة غافله عنها واظن انه اكثركم حيوافقني الراي


اولا:
زي مانعرف تم ولله الحمد التوقيع مع الفريدي ولكن يجب ان يوفر المقدم خلال اليومين القادمة والا سيكون العقد لاغي

والان اسامة هوساوي تتم عليه مزايدات خرافية بالنسبة لعمره

السيناريو اللي حاس انه حيسير حتنشغل الادارة بالمزايدة في صفقة هوساوي ولن توفر مبلغ الفريدي والاقاويل تقول انه هوساوي اهلاوي وفي حال عدم توفير مبلغ الفريدي سيطير هو الاخر عشان كده قلت لكم حيضيعو الاثنين

(عصفور في اليد ولا اثنين في الشجرة)

انا اقلكم كيف! نحن مدام انه صفقة الفريدي لصالحنا نضمنها تمام وانتقال هوساوي للاهلي خيره لنا
في الاصل صفقة الفريدي مخيفة فما بالك ب35 مليون ثانيه لهوساوي نحن ممكن نستفيد منها في لاعبين اجانب؟؟!!


نرجع للعنوان لو انا رئيس النادي الخطوات الاهم هذي الفترة هي:

1-ا ضمان صفقة الفريدي(توفير المبلغ من عضو الشرف المتكفل).

2-محاولة اقناع عضو الشرف المتكفل بمبلغ الهوساوي بصرف النظر عنه والتحدث معه بالعقل في الاستفاده من المبلغ في تسديد مستحقات وجلب لاعبين اجانب ومهاجم محلي.

3-التعاقد مع بدر النخلي(الفريق اللي ماحيتعاقد معاه راح يندم ندم شديد وانا حاس انه الهلال حيخطفه ويجعل منه اسامة اخر)

4- الزام الرهيب بالعوده للتمارين لكي يكون بديل هزازي.

5 تصعيد العمري ليكون بديل شافي .

6-تنسيق كل من:السعيد -الزبيدي حاليا فقط

7-البدء في مفاوضات الاعبين الاجانبين :صانع العاب وحتما اول الخيارات سيكون (دوندا ) الاعب المدلل لديغو ارماندو مردونا.
ومهاجم قناص مهاري:وحتما سيكون خياري الاول (ادريانو الجيش)

هذا طبعا بعد التريث في عرض هوساوي وسحب المفاوض واستثمار المبلغ في هؤلاء الاثنان.


ملاحظة:

نتكلم بالعقل صفقة اسامة هوساوي لو راح للاهلي ماحيضرر الاهلي اولا لانه لديه لاعبين جاهزين في مركز قلب الدفاع وصغار بالسن يعني هوساوي بعد 3 سنين لو سار مايعطي عوافي عندهم في الصغار

لكن لو جاء الاتحاد حيضرنا لانه ماعندنا الاعبين الصغار الجاهزين واسامه لو طفى بعد كم سنه حنضمو لقائمة الكبار الذين يجب الاستغناء عنهم على قولة البعض

عشان كده انت تدعم نفسك بالشي اللي ينقصك انت ينقصك الصغار وعندك الكبار والخبرة والاهلي ينقصو الكبار الخبرة وعنده الصغار

شي بديهي انك تخطف بدر النخلي وتترك لهم اسامة يرهق خزينتهم وتستفيد من المبلغ اللي كنت حتدفعو في اطراف اخرى

النخلي لو جانا ياناس ماحنندم هذا هو التفكير الصح لو نبغى نبني فريق شاب قوي للسنين العشرة القادمة


انتظرو ملفي الانتخابي القادم×:

دمتم