يااخوان ادعوا معي على من غشني ونصيحه لكم
اغنام - ابل - دواجن - طيور
اشتريت قبل فترة من واحد هنا في قسم العوارض معزى عارضيات بسعر غالي
اعتمدت على كلامه وعلى الصور وحملها لي من الرياض
ويوم جتني اليا عيالها حوالها سيئة مره ومصابة بالتهاب الصدر قلت يمكن الرجال مايعلفها زين
عالجتها وبعد 3 ايام اكتشفت ان المعزى مافيها حليب بالمره
اتصلت عليه وعاتبته وقال نسيت اعلمك فالحليب
امس اتصل علي العامل يقول البهم الجديد فيه جدري
وديته الدكتور وقال يبغالك تعزله بالمرة لمده 21 يوم
المشكلة اني عزلتها في البداية اسبوع ثم خلطتها مع غنمي القديمه
سالت الدكتور يقول الغنم جاية من غنم مريضه ومرض الجدري من الامراض اللي تطول ماتظهر في الحلال
علما ان مراحي خالي من الامراض
الله لا يوفقه ولا يرزقه من حيث ماوجه ان كان هو غاشني
وساوزود الادارة باسم معرفه كامل
ونصيحة نصيحه نصصيحه لكم يااخوان
لاحد يشتري شي الا بعد مايشوف ويحوف لاتغركم الاسماء وعدد المشاركات ولا يغركم صوت البايع
واذا اشتريتوا شي اعزلوه في مكان بعيد لمدة لاتقل عن 20 يوم لان فيه امراض حضانتها تصل ل 21 يوم
dhho,hk h]u,h lud ugn lk yakd ,kwdpi g;l
