الحذر كل الحذر من العندم، العندم، العندم للعود والعطور

شفت الاعلان في المنتدى لشراء العسل وشفت له بنر وش كبره
قلت ان شاءالله انه ثقه.
وكان التواصل عن طريق المسجات وطلبت وكان تعامله جدا جميل وتم تحويل 700
وارسل لي العسل.
وكما هو معروف عن عسل الشوكة في شيء من الحموضة
العسل الي جاني منه وقسم بالله انه سكر محروق، شيره
يعني لايمت للعسل بصله بتاتا وقلت احسن الظن وربما مايعلم من مكان يستورده
وقال ان العالم الي تاخذه تمدحه.
قلت مايخالف ماجاز لي وكيفه مع الناس الي بتشتري و مالي بالطويلة خذ عسلك ورد لي فلوسي قال زين ارسلته ثاني يوم العيد وقالوا بيوصله بعد يومين، ثلاثه
المهم عطيته رقم الايصال وارسلت له رقم الحساب المفروض يحول ع طول
قلت مايخالف يمكن يبي يستلمه ويحول واستلمه وخلصنا و
من ذاك الوقت للحين ماحول، قلت له يحول مارد علي
قلت له اليوم ابي التحويل بتاريخ المسج قال مع اول يوم دوام
اول يوم دوام كان السبت واليوم الاربعاء
وماارسل ولا اعتذر ولاهم يحزنون
ارسلت له مايرد، اتصل مايرد. قلت لعله مريض او فيه شئ
التمست له العذر
لكن انه يتواجد بالمنتدى ويطنش على رسائلي واتصالاتي ومايعطيني خبر بالتحويل من عدمه
هذا مماطله وهتك حقوق الاخرين
وحسبي الله ونعم الوكيل