السنفونية في كل موسم لاعبين الاتحاد عواجيز ...حقد الاعلام ومشكلة الاتحاد الحقيقيه !!!

بسم الله الرحمن الرحيم



كل خسارة للاتحاد نسمع السنفونية المعتادة (لاعبين الاتحاد عواجيز ويجب التغير ) ممكن تفهموننا وين العواجيزززز الاتحاد ماعنده الا 5 لاعبين اللي تعدو الثلاثين سنة و3 لاعبين اللي تعدو 25 سنة وهم اسامة 27 سنة وهيما 27 سنة والسعيد 28 والبقيه كلهم تحت ال25 !!!

والاعبين اللي تعدو ال30 هم :
محمد نور 34 سنة
رضا تكر 38 سنة
سعود كريري 33
حمد المنتشري 30 سنة
مبروك زايد 32 سنة


5 لاعبين من 30 لاعب هم اللي تعدوو ال30 سنة 4 منهم اساسين اللي هم كريري ونور وحمد وزايد
الكل يتفق بان كريري هو افضل لاعب محور سعودي وخليجي حتى وهو عمرره 33 سنة
والدليل عدم غيابة عن تشكيلة المنتخب من 2003 حتى الان وتم استدعائه اليوم ايضا لمباراة الارجنتين يعني كريري مو ماثر فيه العمرر ومبروك زايد حارس يعني العمر ماياثر على الحراس دائما والدليل محمد الدعيع اعتزل وعمره 37 سنة
اما تكر ف هذا الاعب الكل يتفق انه انتهى فنيا من 3 سنوات واستغرب الابقاء عليه الى الان حمد المنتشري توه دخل ال30 سنة صحيح مستواه هابط لكن قادرر يعطيك 3 سنوات قدام لكن يكون بديل جيد لـ عسيري واسامة

نور هذا الانسان ماعمره ارتاح في حياته اذا فاز الاتحاد قالو نور هو السرررر الدائم في انتصارات والاتحاد محظوظ فيه نور اذا غاب وخسر الاتحاد قالو تاثثير نور واضح والاتحاد مايقدر يلعب بدون نور واذا خسر الاتحاد ونور يلعب قالو نور هو سبب وهو اللي يعطل هجمات الاتحاد بسسب كبر سنة يعني نور في كل الحالات ماراح يخلص من الاعلام والجمهور (كان الله في عونك ي نور ) انا اشوف نور قادر يعطي السنة هذي واللي بعدها لكن تكر اتمنى اعتزاله الان لانه خلاص معد يقدر يقدم شي للاتحاد ولاتنجرفون وراء الاعلام الحاقد على الاتحاد ترا نادي الشباب اللي يعتبر افضل فريقا حاليا فنيا واداريا
يملك 6 لاعبين تعدو ال30 وهم نايف القاضي و وليد عبدربه وسياف البيشي وفيرننادو واحمد عطيف وكماتشو واربع منهم اساسين وما سمعنا انه قالو فريقنا عواجيز ولا يحتاج غربله شاملة عشان تعرفون الاتحاد مستهدف من الاعلام

نجي لـ مشكلة الاتحاد الحقيقيه وهي السبب الوحيد اللي خلا الاتحاد يوصل لي هالحاله !!!

مشكلة الاتحاد الحقيقيه هي مادية وادارايه و عدم الاستفادة من الاجانب في كل موسم
وعدم الاستقرار هذي هي مشكلة الاتحاد الحقيقيه والدليل بعد رحيل منصور ما جبنا اجانب واستفدنا منهم دايم نجيب اربع لعيبة ونستفيد من لاعبين بالكثير بعد مو ذاك التاثير اللي نطمحله ب اسثناء حديد:$ وكيتا:$ واساسا اللي جابهم منصوررر :w
وعدم استقرار الاداراة ولا المدرب من يوم راح منصور ماكملة ولا ادارة اكثر من موسم كلها موسم وتستقيل وعدم الاستقرار على المدرب الاتحاد يعبتر اكثر الفرق تغير للمدربين

الاشياء اللي لازم تسويها ادارتنا في هذا الموسم عشان يرجع الاتحاد كما كان
الاستقرار على الادارة وتعين مدير كرة جيد حامد البلوي او محمد سليمان تجديد الثقة في كانيدا ماراح نلقى مدرب افضل منه الاستفادة من السعيد والرهيب والزبيدي وتكر في بيع عقودهم او اعارتهم للاستفادة منهم ماديا محاولة
جلب ظهير ايسر محلي ماجد عسيري ظهير الايسر القدساوي هو الابرز والمتاح حاليا لاعب مبدع صراحة جلب مهاجم محلي ولاعبين وسط (سلمان المؤشر - توفيق بوحيمد - مهند عسيري ) هم الابرز حاليا والمتاحين للاتحاد

قلب دفاع محلي اتمنى يكون العجمي لاعب الشعلة او بدر النخلي لاعب الفتح
الاستمرار على الشربيني وامبابي وجلب مهاحم هداف اتمنى (لاعب منتخب ليبيا الصالحي)
لاعب وسط يجيد الضربات الثابته
اعارة فوزي وبيع عقد سوزا للاستفادة منهم ماديا
على ادارة النادي عدم التركيز والضغط على الاعبين في المنافسة على الدوري هذا الموسم لانها صعبة في ظل هذه الظروف والمحاولة على الحصول المركز ال3 او الرابع للوصول كاس اسيا والمنافسة وبقوة على كاس ولي العهد وكاس الملك عشان نضمن اننا نلعب في اسيا الموسم المقبل ونلعب كاس السوبر بداية الموسم الجاي

هذا اللي عندي واتوقع هي مشكلة الاتحاد الحقيقيه وهذه هي الحلول الابرز لـ عودة الاتحاد كما كان السؤال الان هل توافقوني في الكلام اللي كتبته اولا ؟
واللي عنده وجهة نظر ثانية يقولها :$

اخوكم المايستروووووووووووو