انا عندي ثقة في الادارة +عندي تحفظ على طريقة المدرب

بسم الله الرحمن الرحيم
حاب ابدأ بجمهور العميد جمهور الوفاء جمهور الوقفات
صدقوني لو الله ثم هالجمهور ماوصل الاتحاد نصف نهائي اسيا
ولو فريق غير الاتحاد مر بالمرحلة اللي مرها الاتحاد من فراغ اداري وانتخابات بداية الموسم
وديون وعدم تسجيل لاعبين الا بتسديد الديون صدقوني هذا الفريق ينافس على الهبوط

الادارة
بالنسبة للادارة انا عندي قناعة ومتأكد وكلي ثقة بأن الادارة هذي مخلصة ومجتهدة وتعمل بحب لنادي الاتحاد صحيح انو فيه اخطاء ولكن صدقوني راح تتعدل وراح تشوفون اتحاد آخر
راح يعملون الشيء اللي يتمناه الجمهور هذي ثقة مني فقط لاني اعرف اللي يشتغل واعرف اللي يبغا يجي يسرق النادي ويمشي
جميع الاسماء الموجودة في النادي الان المسؤولة على خلق عالي ومجتهدة في العمل
وعلى رأسهم احمد محتسب صدقوني انو مخلص للنادي
والرئيس محمد فايز محب ووده انو الجمهور على طول مبسوط ولكن تجري الرياح بمالاتشتهي السفن
ومحامي النادي عادل جمجوم من زمان ماشفنا احد في ادارة النادي يدافعون زي عادل
اتمنالهم التوفيق وانوالظروف تخدمهم باذن الله وعلينا ان نعطيهم الوقت ونصبر عليهم ترو مالهم 4شهور حتى ماكملوها
بالنسبة لاكبر خطأ لديهم من وجهة نظري عدم الاستفادة من منصب مديرعام كرة القدم بالاستفادة من اصحاب الخبرة مثل حامد البلوي وحمزة ادريس وحمد الصنيع

المدرب

معليش في هذا المكان بانتقد لمصلحة الاتحاد
طريقة كانيدا لاتنفع للاتحاد ابدا ابدا ابدا
اول شي لايلعب بطريقة واضحة والمتعود عليها في الاتحاد طريقة هجوميه
الاتحاد عمرو مادافع
ثاني شي مايفعل الاظهرة
عندك ظهير ممتاز مثل شافي الدوسري وتخليه برا وتلعب بظهير لايلعب ظهير انما يلعب قلب دفاع
الاتحاد طريقة المعتادة 4-4-2
اللاعبين السعوديين مايعرفو الا هذي الطريقة
الاتحاد لكي يعود يحتاج
1- صانع لعب
2 - اثنين مهاجمين من الطراز العالي
3- اظهرة شغالة على طول المباراة