والله نجران فريق محترم بس خلونا نهدم الاتي بيدنا وهي فرصه مناسبه

السلام عليكم مدري والله كيف ابدا بس حسيت بهجوم رهيب من جمهورنا عشان الهزيمه من نجران و نحن متعودين من هذا الشيء تقريبا بعد كل طلوع من اسيا اللي حيرني انو الاتحاد وربي لعب وكانت فيه لمسات عكس لما رجع من اسيا الموسم الماضي و اللي قبله ... اللي محيرني شيء واحد كيف جمهور الاتحاد يكون بهذي القسوه على فريقه على قولهم (الاتي حبيبي) شباب تذكرو لما كنا نتمنى فقط نعدي دور ال16 عشان البناء بلرغم الاتحاد ايامها كان متماسك مثل ماهزم اغلى انديه اسيا جوانزو قيمته نصف مليار .. احم بعزيمه النمور تعديناهم المهم الرجوع للنقطه الاساسيه وطلبنا بمزج دماء جديده في الفريق وهذا حصل بس حصل بطريقه مااقدر اقول عنها ممتازه و السبب (عشان تبني فريق ضروري يكون عندك استقرار فني) مو كل موسم سبعه مدربين وسبعه ادارات خخخخخ بالغت شويه المهم نرجع للموضوع الان فريقنا ولا عبينا ماقسرو وربي لعبو و وصلو للي وصلو له بدون رواتب .. نمشيهاا اللي بعده الاتحاد الان من احسن اربعه انديه في اسيا رغم النقص .. وربنا سبحانه مااراد لنا البطوله من كان يتوقع اصابه احسن اجنبي فوزي وفوق هذا كله يهرب سوزا البعض يقول الاتحاد خلااااص انتهاء اقوله ايه انتها وضروري نوقف معه و كل اللي نحتاجه الان بلعقل هو ظهير ايسر قلب دفاع محلي و لاعب وسط صانع لعب مهاري و متحرك واذا الاداراه مو قادره عندنا عبد الفتاح عسيري من اشبال الاتحاد وبرضو عندنا سلمان الصبياني مع بقاء انس الشربيني و امبامي و ممكن نتخلص من امبامي معن خضري رجع من الاصابه و الحمد لله المهم هذي اللفه كلها للوقوف مع الاتي ....... واكره شيء عندي جمهور الفوز ترا اللي بنو الاتحاد كانو يفرحو بمجرد التعادل مع القادسيه و القادسيه كانت عقده لنا وربي و اسألو كبار المشجعين فا يؤسفني اني اقول لجمهور الذهب تعلمو من جمهور النصر و الموضوع في يدنا و نحن نقدر نهدم ام الفريق او نرجعه مره ثانيه ( الاتحاد اليوم بلرغم انه مالعب ب الاساسي وربي شفت لمحات رهيبه ) :$