لاتصهللون وتطيرون بالعجه بعد الشعله الوعد قدام !!

كل عام وأنتم والنصر بخير
اتمنى من الجماهير العاطفيه ان لاتنساق للمطبلاتيه المخدرين وتصهلل معاهم بالفوز على الشعله المتواضع الذي لعب بدون هجوم اغلب فترات المبارة ومع هذا احرج النصر وخاصة في الشوط الاول وآخر الشوط الثاني عندما لعب مهاجماً !!
مستوى النصر بهذا الشكل الذي شاهدناه امام الشعلة مايطمئن وقت الجد لدى اغلب اللعيبه عك كروي وباصات غلط كثيرة ومقطوعه والسهلاوي المصلاوي يرفع الضغط ببروده وغلاسته داخل منطقة الجزاء ومثل هالنوعيه الماصله ماتزبن وقت الجد ولا تبرد القلب إذا حمي الوطيس لذا عليه ان يعيد حساباته ويلعب بمرجله وسرعة بديهة فلقد دُفع فيه اموالاً وملايين طائلة لأجل ان يبرد قلوب النصراويين وقت الحسم ولم يحسم لهم ولابطوله وهذا الموسم الثالث او الرابع له فعلى إيه التعالي والغطرسه وموتة الحيل !
الأفراح والليالي الملاح والمديح للاعبين وقتها قدام عند الفوز على الكبار وانتزاع النقاط منهم ومبارة الإتفاق القادمة هي الإنطلاقة بعون الله
اليوم نحمد الله ثلاث نقاط جيدة محفزة للمضي قدماً للمقدمة والمنافسة ولو إن فرحة اللعيبه بالهدف الاول والرقص والهستره على متذيل الدوري وعلى ارضهم تبين مدى طموحهم لكن لا الومهم لايوجد تهيئة إدارية تعلمهم وتثقفهم انهم يمثلون كياناً عظيماً مكانه المقدمة ومنصات التتويج لكن جار عليه البخل والجهل والمطبلاتيه !
المهم الحذر من ( المطبلاتيه ) لاتطيرون اللعيبه بالعجه ثم ينعفسون امام الإتفاق فهذا مرادهم ان ينتكس النصر ولا ينهض !
اتركوا اللعيبه والمديح لهم حتى ينافسوا وينازعوا الكبار ويضعوا قدماً قوية بالمقدمه وعندها لكل حادث حديث ومديح يوصلهم لعنان السماء !