من يتفق معايا ومن بيغلط علي
السلام عليكم ورحمة الله وبركاته :-
مافي اي جديد في الموضوع كنت متوقع خروج الاتحاد سواء اليوم او امس او بكرة قلناها من قبل مستويات مااااااااااااااافي والفوز كان بالبركه من مباراة الرائد والتعاون والفيصلي والنصر وجوانزهو وكل المباريات اللي فرحانين بيها بالمدرب الداهيه ( والله مدري من وين خليته داهيه) واللي مايخسر كل المباريات كنا نتعادل او نفوز بدعاء الوالدين قلنالكم لافكر لالاعبين لامنهجيه ولااي شي يبشر بشئ وقلنالكم ان 95 % من جمهورنا مع احترامي له والله ماله ومال الكوره بس يحلل ويتفلسف عالفاضي واللي يبي يناقشني يناقش بادب واتحداه يايقنعني يااقنعه .
انا كتبت مواضيع سابقه اغلبها او كلها كانت انتقادات للفريق حتى وهو فايز ( لاحظوا كلمة حتى لما يفوز ) يعني مو زي البعض اللي وقت الفوز ( والله فريق ومدرب داهيه ) ووقت الخساره ( والله لاعبين منتهين ومدرب فاشل ) وهذي للاسف هم ال 95% اللي قلت عنهم هم اللي يقولوا الكلام هذا دايما بس معليش خليهم يتفلسفوا على حس بعضهم البعض مو علينا
نجيكم حبه حبه :
اول شي من فتره طويله يعني من الموسم اللي راح وانا كنت اقول ان الفريق مو فريق و70% من اللاعبين مع احتراماتي لهم لازم يحلوا يعني بالعربي يسروا خلاص والله ملينا منهم نعددهم واحد واحد عشان تفهموا : * حمد المنتشري - رضا تكر - سعود كريري ( اااااه ياسعود لو تشوف البزر مصطفى بصاص اللي توه طالع وتتعلم منه بس ابغاك تعرف معنى الكونترول ) مشعل السعيد - نايف هزازي - علي الزبيدي واخرهم مع تقديري لكل الذكريات الحلوه والله يعطيه العافيه حبيبنا محمد نور .
ياجماعه نبغى لاعبين عندهم حماس عندهم طمووووووح عندهم مهاره عندهم الكونترول الصح عندهم لمسات عندهم تمريرات يعني يلعبوا كوره صح امثال عبدالفتاح عسيري وفهد المولد وقصي ومعن وهتان وريان ياهوووووو لانعيش على الذكريات
نبغى طقطقه كوره في الملعب نبغى نعتمد عالفكر والعقل مو على الخبره والكلام الفاضي لازم يتغير الجيل هذا
والله صرنا مانعرف نمرر خمس تمريرات على بعضها
ثاني شي انا مااعرف المدرب وش يسوي وش دوره جاي على ايش مدرب وين اللي كانوا يقولوا داهيه اعطوني داهيه على ايش اعطوني منهجيه قاعد يسويها
انا اللي اعرفه عن منهجية المدربين يايجيك مدرب نهجه دفاعي : ولاحد يقلي كانيدا كذا لانه فريقنا ماشاء الله شوارع وانفاق في الدفاع واخر ست مباريات تشهد
طيب لاحد يقلي مدربنا نهجه هجومي : لانه والله يمكن نلعب مباراه او مبارتين ورا بعض والله يمكن مانشوف ولا فرصه حقيقه من تكتيك او لعب طبعا غير العرضيات او الكرات الثابته او اخطاء المدافعين او مهارات سوزا واهدافنا في المباريات اللي راحت تشهد على كذا
طيب نرجع لمنهجية المدرب يمكن يلعب متوازن ويركز عالوسط : حتى هذه ماهي موجوده لانه وسطنا مفكك ومتباعد عن بعض وتمريرات مقطوعه ومافي صناعة لعب للمهاجمين وثقيييييييييلين في الحركه والدليل حتى فرق التعاون والنصر والاهلي صاروا يحكرونا في ملعبنا والوسط كله لهم
ياهووووووو ياعقال يامدربين احد يعطيني ويقلي وش قاعد يسوي كانيدا ؟؟؟؟
انا اقلكم وش يسوي كل بداية مباراه نتورط معاه ويقلب عفش الفريق اليييييين مايجي الشوط الثاني وتجيه نصايح من برا ويقوم يعدل يعني ايادينا على قلوبنا في بداية كل مباراة
انا اقلكم وش يسوي كمان يلعب في حسبة اللاعبين السنتر ظهير والجناح يرجه ظهير والمهاجم يرجع ظهير ووسط ودفاع والوسط هجوم يعني يخلي امها بلوت مو مباراة
كييييييييييف : شفنا سوزا افضل لاعبين البرازيل في الوسط وولد لعيب وصانع لعب حبيبنا كانيدا مره يخليه مهاجم ومره ورا نايف ومره يمين ( ماتبغوه يسيبنا ويطفش)
شوفوا المنتشري احلى جناح طاير
شوفوا الشربيني اقوى ظهير ايسر ( والله حرام الولد ناعم ومهاري يخليه كذا )
واخرها شوفوا فهد المولد يياهوووووو ولد لسا صغير ومهاجم فلته خلاه اوسين بولت العداء الجامايكي في مباراة الاهلي ماسك الجهه اليسار روحه وجيه
ياهووووووو كيف مدرب ليش جباااااااااااان
وين اللي فرحانين بعبارة ( اتحاد كانيدا لايخسر ) وينهم الحين
وين بعض الاعضاء ومن ضمنهم ( حسان ) اللي سوا موضوعين او ثلاثه بعنوان كاميرات علويه فوق استاذ الامير عبدالله الفيصل اعتقد اغلبكم يفتكر ههههههههه والله جلست اضحك على جهل القراء اللي عندنا ياهووووو لو تشوفوا التحليل اللي مسويه انا حسبته جوارديولا مو كانيدا والاعضاء كلهم يردوا انه تحليل رائع وانه خرافي وانه وانه وانه وانا كنت اقله من وين جبت هالتحليل وانه المدرب لايفقه شي وانه ماشي بالبركه وكانوا يزعلوا مني الحبايب لما اقول انه تحليل اخونا هذا وهم وانه يتفلسف على حسكم ماصدقوني الحين بالله ابغاه يرد عليا ويوريني تحليله اللي كان مسويه
ثالث شي اداراتنا الموقرة للاسف الكل الحين يتسابق على رئاسة النادي والله مدري هو لاجل الشهره ولا الشحته ولا ايش مااعرف
يعني بالعربي النادي وضعه يبكي وحرام اننا بعد اليوم نتابع كورة لاننا من جد ملينا على قد مانتكلم ولا عندك احد وانا عارف اني الحين راح القى كلام من الاعضاء بس صدقوني والله ماقلت الا الحقيقه واللي كنت متوقعه وعلى فكرة لسا اذا استمرينا كذا راح نصير زينا زي النصر ويمكن اسوا لاننا من اربع سنوات واحنا نتكلم وكل مالنا من سئ لأ سوأ وفي الاخير الله يعينكم على ناديكم لانه شكلي حبطل اتابع كورة الين مايتعدل الوضع
