من يفعل يلقاء ومن يصد يجزاء
اغنام - ابل - دواجن - طيور
السلام عليكم ورحمة الله وبركاته
مساء وصباح الخير للجميع
في البدايه
اقدم احر التعازي لما حصل من تفجير اليوم فالرياض
لاهالي الموتى والمصابين
واسال الله ان يفيهم
وانها تكون اخر الاحزان
اعرفكم بنفسي
كنت ادخل بالسابق بنك ابو جابـر
والرقم السري نسيته
ع العموم موضوعي اليوم
هو نخوت الرجال الطيبه
نخوت اهل العز والكرم
واقولها ومن كل قلبي
الله يعوض من يساعدني ويغنيه بغناته
والله يوفق من نوى بمساعدتي حتى لو ما قدر
يشهد الله ان انثر لكم احرفي وانا عاجز عن نطقها
من فضل ربي كان عندي حلال
وكنت اوزع الحليب مجانا لوجه الله وصدقه عن والدتي
وبعدها جتني ضروف وبعت الحلال كله واسال الله انه يعوضنا باحسن منه
الي اطلبه من الله ثم منكم ابي منح غنم او معز
او دين لسنه والي تطلبونه من اثباتات انا حاضر
لان بصراحه الوالده طالبتني اسوي غنم والقدره الان ماتسمحلي
وانتم عارفين كبار السن الطلعه للحلال ولشبك ترفه عن صدورهم شوي
والي اطلبه من الله ثم من اهل الخير مساعدتي بالي تقدرون عليه
والاثباتات الا تبونها انا حاضر فيها
وأسال الله العلي القدير في يومه الفضيل التي ترفع الاعمال
ان يسهل امر كل من سهل امري
ويوفقه دنيا واخره
اخوكم الصغير \ ابو نايف
lk dtug dgrhx ,lk dw] d[.hx
