قصيدة تنزف دموع الحزن والالم ...اللهم رحمتك يا رب

بسم الله الرحمن الرحيم

قصيدة تنزف دموع الحزن والالم ...اللهم رحمتك يا رب

صرخة أم تبكي علي فلذة كبدها
قصيدة تنطق بالامومة والحق الضائع
إنها صرخة ....أم نايف اليوسف

قصيدة إلي ولى العهد سلطان بن عبدالعزيز..ادام الله علاه

ابنها مسجون ظلما ًوعدوانا ً في ديار بوش قاتل الاطفال
في فلسطين والعراق وافغانستان...


أبختصرها يا ذرى كل من جاك -- شكوى تجيلك تنتهي ما تعديك

أصيـح باعلى الصـوت نايف فقدناك -- عساك تسمع صرختي يوم أناديك
أنا امـك اللي عيدهــا يوم لقيـــــــاك -- يا سعد نفسي لو عيونـي تلاقـيـــك
والقلب ناره تشتـعل عقب فـرقــــاك -- ماتطفي النيران يا كود اياديــــــك
لبست ثوب الحزن بعــدك ولاانساك -- والنـــــوم ودع يوم غابت لياليــك
تاهت بي الخطوات ودروبي أشواك -- والدمع من عيني علي الخد يبكيك
أراجــع المــاضي واعيــد ذكـــراك -- تشدني الذكرى وابكي لماضيــــك
سجين في الغربـة ويا كبـــر بلــواك -- الله يعينك دايـــــم في بـــلاويــــك
هذا القدر مكتوب.. مكتوب ما جـاك -- اصبرعســى الله بالنهاية ينجيـــك
بديار (بوش) سجنك الموحش هناك -- ياليت لي قدرة على الدرب واجيك
يا سجن ِ أرفق مسندى وسـط مبناك -- ما شاف شمس ومظلمـات ِ مبانيك
مدرى ياعمرى كيف الاحوال وياك -- طمني عنك طمــن امك تحاتيــــك
من يغسل هدومك ومن قام يـرعـاك -- ومن يطبخ الوجبات منهو يواسيك
ومنهو الذي بالليل لا نمت غـطــاك -- خوفي عليك البرد بالحيل يوذيـــك
ودى قبل موتـي مشاهـــد محيــــاك -- ودى اضمـك في يدنــي وحاكيـــك
يا حفر قبـرى دخيـــلــك رجينـــاك -- تحط فوق النصب نيشـان بوصيـك
يمكن يحين الوقت ترجــع لمــرباك -- وتزور قبرى مسرع في خطاويـك
يا سيدى سلطـان تكـفـــي طلبنـــاك -- يا راعي الفزعات تشكر مساعيـك
شـــلال طيب ٍ منبعــه دوم يمنـــاك -- خيرك مغطي كل بيت باراضيـــك
وقت الشـدايد مالها غير شــــرواك -- يبشر بعزة كل من جـــاك ناصيــك
يا سيدى سلطــــان حنــا فدايــــــاك -- بارواحنــــا نفديــك نفديــك نفديـك
الجود وانت الجود يمشي بممشــاك -- يمشي وراك وتبعـــك ما يجاريــك
يتعبني مدحــك لو أعـــدد سجايــاك -- والشعر يرفــع رايتــه ما يوفـيـــك
يالله عسى المولي يصونك ويرعاك -- ويعود نايف يا عســـى الله يخليــك
أبختصرها يا ذرى كل من جــــاك -- شكوى تجيــلك تـنـتهي ما تعديـــك

.
.

تحياتي..