إدارة الأهلي فاشلة في توزيع التذاكر وأهانت كرامتنا وأضاعت حقوقنا

للأسف ماحصل اليوم كرهني في المباريات والملعب وفي التشجيع كله
لا شرطة ولا أمن صناعي ولاتنظيم ولا علاقات عامة ولا رابطه كله كلام فاضي وكذب في كذب
جينا من الساعة 4 نبغى تذكرة وحده بس وبشعار الأهلي ولكن الموزعين أسوأ خلق الله وشعب غير محترم ويستاهل اللي يجرى له لاتنظيم ولا طوابير قلة أدب ومضاربات وتدافع وسب ولعن واللي ماله ظهر وماله حيل يدافع ويضارب وينط فوق رقاب الناس ماله تذكرة
ليش كذا يا إدارة الأهلي تشمتي الناس فينا وتخلي تذاكرنا نصها للاتحاد والسوق السودا
للأسف كل إعلان البارح كذب في ولاعضو واحد من النادي جالس ينظم عملية التوزيع
ولادورية وحدة ولا رجل أمن صناعي
طوابير مافيه متجمعين زي النمل اللي لابس برشلونه واللي لابس تشيلسي ولا ثوب ساده ولا أسود عيني عينك والأهلاوين الغلابا واقفين طوابير بأدب كثير من الجماهير جات بسيارتها ورجعت بيوتها مباشرة مع إن الحضور كله مايجي 5000 مشجع يعني باقي 8000 تذكرة لسه ماحتتوزع لكن بالشكل حق اليوم وتوزيعه الغلط وفيه ناس تروح وترجع تاخذ بالقوة وترجع ماعمره حتتوزع صح ولاحيكون الملعب فل زي مانتمنى للأسف
وأنا من الناس اللي ماحيحضر لأنه التوزيع غلط مع إني صليت العصر و4 وأنا عن شباك 2 ولكن للأسف فوضى فوق مايتخيله العقل...