منوعات العزابي 2006

يالله يـارب العبـاد المفالـيـس
يـا واحـدٍ مايخيّـب الضنونـي
اغفر لعبـدٍ عذبتـه الهواجيـس
يالله يالله انـك تصيـر عونـي
لا من غفت عيني تجيني كوابيس
ابكي ومن البكا جفـت عيونـي
ادعي على ناسٍ تحب التداليـس
الله يعزرهـم كمـا عـزرونـي
ناسٍ حسدها بالضماير بلا قيـس
ماشفت منهم غير ضحك السنوني
لا جيتهم شفقٍ يجوني معابيـس
واقفو عن عيوني وعنهم نحوني
والمشكله نقل الحكي والدواسيس
يشهد عليهم سيفهـم والطعونـي
اكبر قهر للرجل راسه ليا ديـس
وانا ترانـي شامـخٍ لا وطونـي
ادري نجاحي صابهم بالتفاليـس
من كثر ماني طيّبٍ مـا بغونـي
والحكي مابه خير من دون تقييس
وراع الحكي تلقـاه دومٍ حزونـي
والرابح الي ما تجيه الوساويـس
نفسه عفيفه ما يجيهـا ظغونـي
هذا كلامي وانا قلتـه بتاسيـس
وده لهم كـود انهـم يسمعونـي





تحياتي

تسلم اخوي على النقل
العذب
صح لساان قايلها
ولاهنت على هالاختيار
/
/
ورد