مشروع برأس مال بسيط والربح 650% والشريك معروف

يقول الله جل وعلا
مَّثَلُ الَّذِينَ يُنفِقُونَ أَمْوَالَهُمْ فِي سَبِيلِ اللّهِ كَمَثَلِ حَبَّةٍ أَنبَتَتْ سَبْعَ سَنَابِلَ فِي كُلِّ سُنبُلَةٍ مِّئَةُ حَبَّةٍ وَاللّهُ يُضَاعِفُ لِمَن يَشَاءُ وَاللّهُ وَاسِعٌ عَلِيمٌ (261) الَّذِينَ يُنفِقُونَ أَمْوَالَهُمْ فِي سَبِيلِ اللّهِ ثُمَّ لاَ يُتْبِعُونَ مَا أَنفَقُواُ مَنّاً وَلاَ أَذًى لَّهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ (262)


تخيل وانا اخوك اني قابلتك في يوم 23 الشهر وانت طفرااااااااان ماعندك ولا ريال وقلت لك خذ هذي 2500 هديه وش شعورك وقتها
انا في هالحاله اللي اعطيتك الفلوس واللي سعد بها انت
اذا قابلت طفل وابوه في السوبر ماركت وشفت الطفل طلب من ابوه يشتري عصير وابوه رفض تحس بنوع من الرحمه للطفل اللي نظراته كلها انكسار وحسره من ابوه
فما بالكم اذا فيه طفل عمره 9 و8 و10 سنوات ومنهم اللي عمره 2 و3 سنوات ماعنده ام او اب المفروض انا وانت والثاني والثالث نكون له اب وام

ياشباب انا اعارف ان اغلبم جااي هنا يبي يشوف تفاصيل المشروع اللي في العنوان وكل واحد قال في نفسه قبل يدخل لو يطلع المشروع ادفع 3000 واخذ 10 الاف تكون ضربةالعمر

طيب اذا قلت لك لاتدفع 3000 وتاخذ 10 الاف وتفرح فيها اسبوع او شهر

ادفع 300 وتسعد طفل يتيم طول العمر والارباح اللي تاخذها بكره في المال وسعه في الرزق وتفريج هموم وتيسير امورك من رب العالمين ( هذا في الدنيا بس ) في الاخره الجنه مصداقا لقول الرسول صلى الله عليه وسلم

أنا وكافل اليتيم في الجنه .....


ياشباب لاتسحبون كفالة اليتيم امر صعب كلها 10 ريال يومياً يعني 300 في الشهر تحولها في حساب الجمعيه وتبدأ طول الشهر تأخذ الارباح من رب العالمين


لو طلع الواحد فينا يتعشى مع اخوياه ويروح المقهى يدفع 400 في ليله ولا فيها اي مشكله





ياااخوان الله يرضى عليكم الردود اللي نبيها على الموضوع هذا تكون بهالصوره


((( تم كفالة يتيم لمدة ......... شهر ولله الحمد والفضل والمنه ))))




الاخوان اللي ماعندهم القدره على كفالة الايتام يكفينا منك انك ترفع الموضوع وتسوي نسخ ولصق وترسلها لاخوياك في الايميل او منتدى او حتى هنا في نفس الموقع بموضوع جديد وتذكروا الدال على الخير يمكن انك تكفل يتيم وانت مادفعت شي


الهمه ياشباب لاتقول بعدين