ايش هو افضل تعامل مع المطافيل الامهات من التطعيمات المفيدة والحفاظ على صحتها

اغنام - ابل - دواجن - طيور

سلاام عليكم

مساء الخير للاخوان الطيبيين

الان بدا الولاد وربي يطرح البركة لاهل الحلال ويغيث البلاد والعباد ويرزقنا الربيع في محلنا

الشاة لاولدت كيف التعامل الصحيح معاها .. بحيث انها لاتضعف ولايطيح شعرها ولاتتعب وتضر ولدها

كثير تشوف المطافيل الامهات والا بهمها تعبان وكاسر والامهات شعرها طايح وحالها ضعيف

فكيف الطريقة الصحيحة لتعامل مع المطافيل ؟؟ من التطعيمات والتربية السليمة والاعلااف الطيبة ؟؟


,,,

انا بتكتب طريقتي بما اني مبتديء بالحلال وابي شوركم فيها ...

اول ماتولد ولدها .. وبعد مايشبع من السرسوب ويملا بطنه

انظفها من السرسوب واعطيها بنسلين 5 سم

واخليها مع ولدها واكرمها شعير وبرسييييم

البهم طبعا ننتبه لمسائلة مهمه وهي انسداده مدمنة بسبب الخارج منه ويمكن ينسد ويتعصر البيهم ويموت لان مافيه خروج ويتنظف باستمرار لاتوسخ

البهم الضعيف يعطي نص سم فيتامين والا لو فيه ذراق فيه الضغاط ونص سم بنسلين ونص سم بنسلين ومعه مويه واعطيها البهيم في فمه

لاكبر البهم شوي بحدود شهر ونص تقريبا

بالنهار نعزله عن امهاته لييييين آخر العصر وافكه مع امهاته ليين بكرة الساعه سبع والا ثمان الصبح


علشان الام ترتاح وترد صحتها ويكثر حليبها شوي والبهيم يتعود على الشعير وورق البرسيم


وادخل الطلي على الامهات بعد شهرين والا شهر ونص ويقرعها كاملة



الي يفيدنا مشكور بافضل التجارب والا التطعيمات والا الفيتامينات

ونخلي هالموضوع تجربة للاعضاء المبتدئين امثالي


شاكر لكم