لعيبه مستهلكين وفاشلين لا يقدرون جمهور النصر ..

وش هالنصر اللي يحرق الدم خلاص يا ناس والله هالفريق ما عاد منه رجا ابد لا احساس بالمسؤوليه ولا احساس بالجمهور لعيبه مستهلكين ....

سنين وسنين وحنا نتصقع من الفرق الكبار ومع ذلك نساند الفريق ونقول لعل وعسى يتعدل الفريق لكن مستحيل مع اشباه اللاعبين الله يقلعهم عن النادي ...

اللي فعلا يحسسك بعدم المسؤوليه تصريخ الرئيس يقول عادي ننهزم من الفرق الكبار ونفوز وبكذا ناخذ الدوري .. وين الاحساس بالمسؤوليه ؟؟ هل اللاعب له نفس يحقق الدوري بعد هالكلام ..

عموما لن تقوم للنصر قائمه بوجود اشباه اللاعبين وعلينا ان نعترف ان مستوى النصر مثل انديه الوسط والحقيقه تؤلم كثيرا ..


اتمنى من الجمهور النصراوي ان لا يتحمس كثيرا مع هذا الفريق نهائيا .. ماخذين رواتبهم ومبسوطين والجمهور بقريح يعصب يرتفع ظغطه مافيه مشكله ..


احمد عباس لاعب سيئ جدا تمريرات غلط تكتيك مافيه وعبده برناوي بالكاد يهرول بالملعب من السمنه والسهلاوي مستواه سيئ جدا ..

صحيح فيه ضربه جزاء لكن ياجماعه الخير هل بهذا المستوى سوف نحقق اسيا .. خلونا صريحين مع انفسنا قبل اي شي فريقنا سيئ جدا وفاشل ولا يستحق المتابعه ..


اصبح طموحنا الفوز على الفرق الضعيفه واصبح لدينا حلم نفوز على فريق كبير وحتى الشباب ما قدرنا نتعادل معه ومطرود منه لاعبين اثنين من الدقيقه 22 ..

افضل ما في الفريق حسني عبدربه وايوفي وابراهيم غالب والباقين فاقد الشيء لا يعطيه ..

الى متى طموح الجمهور فقط الفرح بخساره الفرق الاخرى والى متى نمني النفس باللعب في اسيا .. ناظروا للفرق الاخرى كيف تشتغل وكيف تهتم بالفرق السنيه والاولمبي والفريق الاول

ما اقول الا الله يحسبي على هالوجيه اللي ما تقدر جمهور النصر .. اجل النصر ينهزم ثلاثات اربعات وخمسات ونسكت ...