عزيزي الاتحادي : أطلق المتسلق اللي بداخلك ... والله مهزززله اللي يصير ..

أقسسسسم بالله مهزززله .. قلله حيياء اللي قاعد يصير .. بعد مرمطه ومن عمده الى عمده ومن واحد الى واحد .. وبالاخير .. مااافي تذاكر .. الاداره توزع التذاكر على كيفها .. لاعضاء الشرف .. للرابطه .. للعمد .. للمواقع الاتحادي
أعضاء الشرف يدوها اقاربهم .. والرابطة يدونها اخوياهم .. والعمد يسآل : يواد أنت آتحادي ..؟ يقول : ايوا يا عم .. ويعطيه تذكرتين والا عشره .. اما المواقع الاتحاديه يطلع لك كل موقع بشروط .. يطلع لك أسد أبو فهد قبل يومين يقول اللي يبغى تذاكر يكون مسجل بصفحتي بالفيس بوك .. اييييييييييشششششششششش ..؟؟ مين أنتا ..؟؟؟ .. مين أسد أبو فهد عشان يكون مقياس لاتحاديتي ...؟؟ .. احنا تربينا على حب الاتحاد .. اجداد اجدادي عرفوا الاتحاد وشجعوا الاتحاد من قبل ما ينعرف دا .. اقسسسم بالله لاحضر المباراه .. لو انط السور .. عبط يعني عبط .. خلي النادي يتعاقب .. خلي تحصل مصيبه للنادي .. ما عاد يهمني .. عشان اقل شئ يحترمونا .. الاداره كل شوي تطلع لنا ماعندنا فلوس ما عندنا فلوس .. وبالاخير تشتري التذاكر .. يا هوووووووووووووووووه مو كل شويا تقول مافي فلوسس كيف تشتروا دحين 16 الف تذكره ..

بالاخير .. ما عاد نبغى الاداره تشتري تذاكر .. نهائيا .. احنا ندفع .. نملي ام الملعب .. دائما مباريات الاتحاد تكون فل .. بدون ما تشتري الاداره التذاكر .. بس السؤال .. ليش المباريات الحساسه تشتري فيها الادارات التذاكر .. عشان السوق السوداء .. يمكن ..

انا حاضر حاضر .. بتذكره والا بدون .. وبدخل .. مع الباب والا بالسور ..