بارك الله في من ساعدنا .. خلصنا الحرث ونبي نبذر بس وش افضل البذور( الشعير ) ؟؟؟

اغنام - ابل - دواجن - طيور

بسم الله الرحمن الرحيم

السلام عليكم ورحمة الله وبركاته


اولا .. اقدم شكري وأمتناني لكل الأخوه الذين قدموا لي المشوره في موضوعي السابق
http://www.aghnam.com.sa/vb/showthread.php?t=183083
وعلى رأسهم الأخوين الفاضلين ( قس بن ساعدة ) و ( ابو رشيد ) وبقية الأخوه الأفاضل بارك الله فيهم جميعاً

الحمد لله على فضله رغم ان صاحبكم غشيم في الزراعه وعليمي لكن الحمد لله مرينا بصعوبات وخرابات في الرشاش (المحور ) وايجاد عامل زراعي .. ولكن خلصنا من حرث كامل المحور ( ثمان ابراج )

لكن ظهرت مشكله عندي وهي البذور (طبعا ستكون ان شاء الله الشعير السداسي )
بس المشكله هل تكون البذور معالجه او بذور عاديه

لأن أحد الأخوان نصحني تكون البذور غير معالجه يعني أخذها من المزارع .. والسبب يقول انت اصلا انت زرعت الثمان ابراج وتبي تبيع اعلاف يعني ظهور الأعشاب مع الشعير في صالحك ويكون مخلوط وان شاء الله راح اقصه مرتين
وبصراحه مادري هل كلامه صحيح .. أم انه افضل أخذ البذور المعالجه من احد الشركات الزراعيه ؟؟

واذا اخذت البذور سواءا الشعير السداسي العادي أو الشعير السداسي المعالج
وش افضل طريقه للتعامل مع المعالج والعادي

الي فهمته من الأخ الفاضل قس بن ساعدة انه أقصه بعد سبعين يوم القصه الأولى

عموما يا اخوان ياليت تفيدوني وش الافضل الي اسويه .. والي عنده اضافات او تنبيهات ياليت يفيدني

بارك الله فيكم وحفظكم من كل مكروه