بسم الله الرحمن الرحيم
السلام عليكم ورحمة الله وبركاته
موضوعي اليوم نبي نحكي فيه عن قصه " واقعيه "
الحقيقه اني كنت اسمع عن هالقصه .. وعن موقع حدوثها
لكن ما دريت ان لها ابيات متعلقه بها .. قد قيلت في ذاك الوقت
ومن يوم ما دريت انه القصه لها قصيده وسمعت القصيده
تحمست اني اروح واقف على مكان الحادثه اللي بذكرها لكم في هالقصه الواقعيه بكل ما فيها ..
هـــذي الله يطول لي في اعماركم قصه ( قليب ساره )
وللي ما يعرف معنى كلمة (قليب) والمقصود بها هنا
القليب وجمعه ( قلبان ) يعني بالفصحى ( البئر ) وجمعه ( ابار )
هذي ( ســاره ) بنت الباديه .. بدويه تسكن الباديه .. ايام البدو من اول
اللي اغصبوها اهلها بالزواج من ولد عمها ..
وساره كانت رافضه هذا الزواج ( ومعيّه ) عن ولد عمها !
ما تـــبــــيــــه
المهم انها بشكل او بأخر اهلها زوجها ولد عمها ..
يوم شافت ( ســاره ) ان ما بيدها حيله .. قااااامت وعدت على ( قليب ) بجنبهم ..
ووقفت على حافته وغمت عيونها و ( طبحّت ) في القليب !
حذفت نفسها فيه .. معلنه بهذا التصرف رفضها القاطع لزواج من ولد عمها
الموت عندها اهون من هالزواجه ..
العجيب في الموضوع ان ( ساره ) يوم طّبحت تبي الموت
ماااااااا ماتت .. حيت.. وجوها اهلها وربعها وطلعوها من القليب
يعني انقذوها
يقولون عاد ان ولد عمها جاها وهم توها مطلعينها نشدها
قال لها : يــا سااااااره .. انتي علامك حذفتي عمرك مع القليب ؟؟!!
وردت عليه وقالت : منك .. ما ابيك !
قال : كان علمتيني وانا اخوك ولا طبحّتي في هالقليب بغيتي تذبحين عمرك!
وروحي وانتي طالق ولا يحلقك مني ملامه !
((اكيد عاد ان الكلام ماهو هو نفسه المطابق لما قالوه في وقتها
لكن يعبر عن فيما معناه في الاصل !))
المهم ( تطبيحه ) ســــاره في البير .. ما ذبحتها ولا ماتت
ما جاها الاااااا يا كود ضربه في احدى قدميها على ما يذكر ..
وعاشت ســـاره وتــزوجت رجل اخر غير ولد عمها وتابعت مسيرة حياتها ..
و ( قليب ساره ) كانوا يسمونه من اول بــ ( قليب القرينه )
ومن بعد ما صارت حادثة ساره اصبح يطلق على القليب بــ ( قليب ساره )
وهو الى الان متعارف بالاسم الثاني ..
ويقع هالقــلــيب في منطقة ( حــفــر العتش ) ..
هو احد الابار المتواجده في تلك المنطقه المعروفه بكثر الابار فيها ..
وهذي صور لــ( قليب ســاره ) رحت له بنفسي الــيــن وقفت عليه !
وحقيقه اني ارتعت من منظر القليب .. اولا :ً .. عميق .. ثانيا: يروّع !
يعني الرجال وهم الرجال والله ما يجرأون ينطلون عمارهم معه !
وهذا الشئ يدل على اشياء انا حللتها وانا اتفرج على هاك القليب ..
اولها : يأس ســاره المميت .. اللي يخليها تفكر في الحل الاخير للخلاص
من زواجها .. وهو الموت ..
ثانيها : جرأتها وقوة عزمها للمخاطره .. وكسرها حاجز الهيبه
من الموت والسعي له !
يعني تخيلتوا معي كيف ممكن تكون شخصيتها ؟؟!!
ومن ناحية اخرى .. بعد الحادثه هذي .. اصبح لقب ساره المتعارف عليه
هو ( المطبّحه ) بدل ساره .. واصبح الجميع يعرفونها بهذا اللقب !
وهذي الصور ..
http://www.bin-msaad.com/3eshbat_al'3ar/s4.jpg
هذي صورة جانبيه ( للبير ) ويبان رصف الحجر على جوانبه !
http://www.bin-msaad.com/3eshbat_al'3ar/s1.jpg
وهذي الصوره .. يبان فيها زي الدائره مضلله ..
تشير الى منطقه ( حــفــر العتش ) الذي تقطع الابار بجانيه
ومن ظمنها ( قليب ساره ) طبعا ً
[img]
http://www.bin-msaad.com/3eshbat_al'3ar/s2.jpg[/img]
وهذي بعد صوره للبير نفسه
بس باين فيها بعد ( القرو ) << القرو هذا هو اللي فوق البير واضح !
و ( القرو ) عباره عن حوض مستطيل يبنونه بجانب الابار
ويسحبون الماء من البير ويكبونه فيه .. ويروون منه الناس ..
وتشرب منه الحيوانات ( الجمال والقطيع وهكذا ... )
http://www.bin-msaad.com/3eshbat_al'3ar/s5.jpg
وهذي صوره لفوهة ( القليب ) .. عن قرب !
http://www.bin-msaad.com/3eshbat_al'3ar/s3.jpg
بعد ذي صوره ( لقليب ســـاره ) ..
انا اللي استغربته صراحه من بعد ما شفت الابار كلها
ان البدو من اول لما يجون يبنون القلبان
ما يرفعون رصفها بحيث يكون الرصف مرتفع عن سطح الارض !
اكــيـــد ان لهم مغزى في ذلك .. بس ما ادري عنه وشو !
ايــه واقول لكم ....
العرب من اوووول .. كانوا يعجبون بالمرأه صاحبة الشخصيه القويه
اللي لها رأي ولها كلمه ويفاخرون بها بالحيل ..
اعجابهم في هالنوع من الحريم ..
كان قوي جدا وقد سمعنا قصيد واجد عن البدو لا جو يمدحون فيه المرأه قوية الشخصيه .. " طبعا على سنع "
و المرأه عند البدو من اول اذا عافت زوجها ولابغته وراحت لاهلها
يسمونها ( طاااامحه ) يعني طمحت عن رجلها وعافته ولا بغته !
وكانوا يعجبون بها ويطلبونها للزواج اكثر من البنات !
انها لما عافت رجلها .. اكيد انها شامت بنفسها عن شئ معين هي ترفضه .. وانها لها رأي تقدر تسمعه للجميع !
فااااا من هالمنطق .. حادثة ( ســـاره ) هذي .. اعجبت الكثير !
وتفاخر بها الاكــثــر ..
حتى قال فيها احد الشعّار هالابيات المعبره :
[poem=font="Simplified Arabic,4,blue,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
زين سلم ٍ للبني قدتـه سـاره=من بلي بالروح يمشي مماشيها
يوم جات العصر للموت مختاره=عافت الدنيا واهلهـا وغاليهـا
بنت هيف الضان ماهيب صبّاره=طّبحت في اللي طوال مناحيهـا
لا ولد عـم ٍ ولانيـب حجّـاره=وقبل هذا مـا نوينـا نطريهـا [/poem]
وسلامتكم
طبعا ً قصة ساره ذي كانت من سنة جدي !
يعني في زمن غيــر زمننا والمعروف ان البدو من اول
ما كانوا ملمين باحكام الدين كلها .. كانت تجهلهم بعض الامور
فالاكيد ما كانوا يدرون ان ساره ومحاولتها الانتحاريه ( محرمه )
يعني على بلاطه .. << جا الصدق
ماهوب اللي تعيف ولد عمها تروح تطبح من اقرب رفاعه
اعلن اخلاء مسؤليتي عن اي محاوله لتقليد ساره
<< امزح !
المهم
المفاااااجأه في الموضوع كــلـــه ان بطلة موضوعنا هذا
اللي هي (( ســاره )) ما زالت حتى وقت كتابته هذه السطور
على قيــد الحياة !
اتمنى ان هالتحقيق المبسط جدا ً يعجبكم وتستمتعون بقرأته ..
و هو إهداء مني
اللي تستاهل من يتعني ويروح يبحث لها ..
ولكم كلكم جميعا اخواني وخواتي..
التحيه والاحترام
منقول بتصرف
