بعد صبر دآم من عآم 1426 هـ حتى 1433 هـ ,,
أخيرآ توظفت في القطآع الحكومي بعد مافقدت الأمل في هذآ القطآع ,,
والحمد لله اللي ربي يسرهآ لي ,,
والفضل لله ثم أمي الله يطول عمرهآ وبدعآئهآ لي بعد كل مكآلمة أكلمهآ ,,
,
المهم والأهم تعرفت على شخص بعد مضآربه قبل يومين ,, :021:
طلع هالشخص وآصل ومثل مايقولون له الشيخ أبو فلآن ,,
بس يستآهل مآجآه < الله يستر لآيشوف كلآمي :021:
,
بعد مارحنآ لقسم الملز وأخذو أقوالي وأقواله وخلصو المحضر ,,
هالإنسآن طول الوقت يطآلع فيني ويبتسم ,,
واذا سأله الضآبط يجآوب وهو يضحك ,,
أنا طنقققققققققققققرت زيآده ,, :ang:
أنا وس وست قلت أكيد في شي في وجهي أو ملآبسي وما إنتبهت ,,
قلت للضآبط بعد إذنك أبي دورة الميآه ( الله يكرمكم )
أبي أروح أشوف في وجهي شي لأنه أتش فيني بضحكه وإبتسآمته ,,
قآل الضآبط : ليه خآيف ؟ :mad:
قلت له : هذآ هو قدآمك مآقتلته ولا ذبحته ولا سويت شي أخآف منه ,,
قال رح رح ,,
رحت دورة الميآه أتآمل شكلي ووجهي ملآبسي :confused:
عآدي مآفي شي ,,
زآد إستغرآبي قلت أكيد يبي ينرفزني عشآن أتلفظ عليه بكلمه ويمسكهآ علي ,,
رجعت والضآبط وهالأدمي سوآلف وضحك ,,
قلت بس عز الله رحت فيهآ طلعو يعرفون بعض ههههههههههههه ,,
جلست طالعت فيه ولآزآل يوزع إبتسآمآت ,,
قفل الضآبط المحضر وقعت عليه ووقع عليه طبعآ لقطت إسمه وشفت إسم العآئلة لمآ شفت إسم العآئلة إنجلطت ههههههههههه لأنهآ معروفة في نجد ,,
قآل الضآبط تبي منه شي يآبو فلآن قآل لآ أبد الله يستر عليه ,,
قآل وإنت ما أمدآني أتكلم ولا الضآبط أصلآ وش تبي تقول ههههههههههه ,,
أعطآني في نص الجبهه ,,:(
,
الآدمي هذآ قآل للضآبط أبيك تتركنآ لحآلنآ دقآئق ,,
قآل أبشر أنا بطلع الأورآق لضآبط خفر عشآن يقفل الموضوع وخذ رآحتك ,,
طلع حظرت الشآويش وجلسنآ أنا ويآه ,,
قرب مني يبي يجلس في الكرسي اللي قدآمي ,,
وأنا رجعت وأخذت حذري قلت يمكن يبي يرجع الكف :p
جلس وإبتسم وقآل لي :
تدري يآولدي لا أبوي ولا جدي ولا أطلق شنب في هالدنيآ صكني كف أو رفع صوته علي ومع ذلك كأنك سلمت على رآسي ,,
طلع عمره 41 سنة ,,
قمت والله بعد كلآمه وسلمت على رآسه مع إنه رفض ,,
بس حسيت كلآمه قوووي ولآزم أعتذر مع إن مالي وجه أعتذر ,,
إعتذرت منه وطيبت خآطره بكم كلمه ,,
بعدهآ جآء الضآبط وسلمنا عليه وطلعنآ ,,
مسك يدي وطلق إن عشآي عنده ,,
قلت لا والله الحق لك أضربك وتعشيني < مآت ضحك ووقتهآ حسيت كلآمي غبي بس من جد الحق له ,,
طلعنآ وحلفت مايتكلف بشي وكأني صديقه ,,
تعشينآ وعرفني على نفسه ووين يشتغل وعن مآضيه وووو .. إلخ
المهم سألني إنت تشتغل قلت له إيه الحمد لله ,,
قآل لي لو عرضت عليك عرض تقبل ؟
قلت أكيد برفض لأني موظف في وظيفة من سنين أحلم فيهآ ,,
قآل لآ أبيك في مكآن وأشوفك المنآسب له ,,
والدوآم مسآئي ولا يتعآرض مع دوآمك ولآ شي ,,
أبيك مدير مستوصف في مكان قريب من سكنك ,,
لأني ماوثقت في شخص يديره وأنا مو فاضي ,,
قلت له خلني أفكر وأرد لك خبر ,,
ضحك وقآل فكنآ من حركآت اليعنني هههههههههههه ,,
قلت خلآص موآفق بس بشرط أشوف الشغل أول لمدة أسبوع ,,
ووقتهآ بقول لك موافق أو لآ ,,
قآل أوكي موآفق وبعطيك رقم موظف هنآك بيوصف لك المكآن ومتى ماشفت إنك قآدر تبدأ روح وأعطني خبر ,,
المهم أرسلت له رسآلة اليوم الصبآح ترى بروح للمستوصف اليوم إن شاء الله ,,
طبعآ قبل أروح المستوصف أعطآني برنت عن المستوصف كله ولآزم توريهم العين الحمرآء ولا تضحك لأحد وخلك رسمي لأبعد حد ,,
^
كل اللي قآله ما أحس إنه فيني بس قلت تجربة ونشوف ,,
والله رحت اليوم العصر ودقيت على الموظف طلع مصري وقابلته وبدأ يعرفني على الأقسآم والموظفين ويقول لهم هذآ المدير الجديد < مدري بس إلى الآن مو مستوعب المسمى :021:
صآحب المستوصف سوى فيني مقلب قوووووي ,,
طبعآ رآح المصري وإجتمع في كل مدرآء الأقسآم وبعض الموظفين ,,
وأنا جالس أنتظره على أسآس إنه رآح يجيب قهوه ,,
طلع صآحب المستوصف قآل له أجمع كل مدرآء الأقسآم والموظفين وقول لهم المدير يبيكم في إجتمآع ,,
.
جآء المصري وقآلت تفضل حضرتك ,,
والله مشيت وأدخل غرفة إجتمآعآت ,,
وأحصل قدآمي 16 موظف وموظفة :(
وجلسني على الكرسي المقآبل لهم وقآل لهم حضرة المدير عآوزكم في كلمتين بخصوص سيآسة حضرته وكيف إسلوبه في الدوآم وعآوز إيه منكم ,,
وطلع :confused:
جلست وحسيت الأرض بتبلعني ههههههههههههه ,,
أول مره في حيآتي أسوي إجتمآع لا وبدون أي تخطيط ولا شي كذآ فجآءه ,,
لما جلست تذكرت نصآئح صآحب المستوصف وتذكرت وقتهآ نقطة :
اللقآء الأول يعكس إنطبآع دآئم عنك ,,
وقآل خلك شديد معهم هههههههههه ,,
سلمت عليهم ,,
وعرفتهم بنفسي ,,
ورقعت الموضوع لين تيسر وتعرفت عليهم كلهم ووين يشتغلون ,,
طبعآ كل هالحوآر وأنا شكلي كذآ > :mad:
مو طبعي بس تجربه ههههههههههههههههههههههههه ,,
علمتهم ممنوع الزيآرآت العآئلية وقت الدوآم ,,
التقيد باللبس .. إلخ
المهم ووقتهآ وأنا أتكلم جآت عيني على دكتور بآكستآني ,,
مو لابس مثلهم بدون بالطو ولا بطاقة عمل على صدره ولا شي ,,
قلت له : إنت وش تشتغل ؟
جآوبني بإنقليزي مدري وش قال ههههههههه ,,
بس مآعليكم تصرفت وقلت له آيآم نوت سبيك إنقلش ,, :021:
قآلت مصريه بيئول حدرتك دكتور باطنية ,,
وأشطح عليه هههههههههههههه ,,
قلت له قوم إطلع برى جايني بهالشكل وفي إجتماع ,,
ترجمو له وطلع وهو طالع كان لابس زنوبه :cnf3:
المهم والأهم في هذآ كله وبعد شرحي لكم سآلفتي ,,
عندي مشكلة :
وهي إسلوبي كان معآهم كلهم شين وقوي ,,
ولا خليت أحد وعنده خطأ إلا وأعطيته حقه ,,
لو أنتو مكآني تلجأون لطريقتكم وطبيعتكم ؟
ولا تستخدمون هالأسلوب مع العلم إن كلهم أجآنب وقليل السعوديين ,,
أخآف أتمآدى في هالأسلوب ويضرون صآحب المستوصف ,,
بأي طريقة كآنت ,,
وأخآف أرخي معآهم ويحطون رجولهم مثل مآيقولون على رقبتي ,,
أعطوني رآيكم لأني طلعت من هنآك وأنا متندم إني سويت معهم كذآ :(
وووووبس ,, :D
