اخذت مشعابي وودهت لأبلي

اخواني واخواتي اعضاء منتدى غرابيل
السلام وعليكم ورحمة الله

هذي قصيده للشاعر ناصر بن محمد السلات
اعجبت بها وحبيت ان انقلها لكم امل من الله ان تحوز على استحسانكم


مر السحاب وراح من غير وبلى

ــــــــــــــــــ على الحقول ومات حلم السنابل

واخذت مشعابي وودهت لابلى

ــــــــــــــــــ في حروة البرق البعيد المقابل

قدام ينجعله من الناس قبلي

ــــــــــــــــــ والا يجف ويصبح الورد ذابل

ورداً جذبنى منظره وانجذبلي

ـــــــــــــــ ريحه سقاه من اول الوسم وابل

بنسمة هواه وحلو شكله كتبلي

ـــــــــــــــ لحناً تغردبه طيور البلابل

ولونه يذكرلي حبيباً وهبلي

ـــــــــــ حبه وتفكيره بليا مقابـــل

بأخلاقه الحلوه وخلقه سلبلي

ــــــــــــــــــ عقلي وسوالي قيود ومحـــابل

بسودٍ مظاليلٍ هدبهن ندبلي

ــــــــــــــــــ سهماً يفجر وسط قلبي قنابل

ويجرى بدم القلب من يوم شبلي

ـــــــــــــ طار ..أبه ... مجرى الكهربا بالكيابل

عيا يبعدني وهو ماقربلي

ــــــــــــــ عندي وكني عنه في وسط كابل

واللى حداني عن هواي وجلبلي

ـــــــــــــــ همى .. زماناً بين حابل ونابل

وجيله بقيل وقال ماهر ومبلي

ـــــــــــــــ يفتر فر الساعه ام الزنابل

وكل ٍ يقول عندي وسبلي

ـــــــــــــ الوضع وهوه صعب ماينتعابل

لكن ياربي برحمتك جبلي

ــــــــــــ عجل الفرج واحي العروق الذوابل




تقبلوا تحياتي
اخوكم
محمد العتيبي

نقل موفق للغايه

صح لسان الشاعر وسلمت ايادي الناقل

لاهنت

اختيار يدل ...على سمو الذائقة ...
سلمت ودمت ..تنثر الأجمل دائما ...

خطل اليمنى

صح لسانك يامعلم

قصيده رائعه

بكل ماتحمله الكلمه من معنى


تحياتي

سـعـد العتيبي


ليــن



منور العوني




صحت أبدانكم ولا هنتوا


على المرور العطر




تقبلوا خالص تحياتي