فكـرة مشروع ولا استغني عن اقتراحاتكم

اغنام - ابل - دواجن - طيور

السلام عليكم ورحمة الله وبركاته
صـبكم / مساكم الله بالخيـر
ي الربع انا ابي مشورتكم في بعض الامـور
انا ترقيت في بلدية توها محدثة في منطقة نائيـه ولله الحمد قريب من ديرتنـآ عند ربعي وجماعتي وبما اني راح اجلس اربع سنين اقل تقدير اذا الله مد باعمارنا
وبما ان اهل المنطقة كلهم راعين حلال بين غنم ولا أبـل ولا يكـآد يخلو بيت من الغـنـم وكل المناطـق القريبة منا نفس الوضـع علما بانه لا يوجد ممول برسيم معروف بالمنطقة كاملة .
انا جت براسي فكـرة تربية غنم مع المتاجرة بالاعلاف بالاخص البرسيم اخزن بالصيف وابيع بالشتاء .
بحيث ابني لي مـرآح للغنم يكون مقسم وهذآ مخطط تقريبي لـه طبعا تراني بدائي جدآ بأمور البناء والتخطيط ^_* اي ملاحظات لا تبخلون علي فيهـآ
[IMG]http://im28.********************************************/K4cq1.jpg[/IMG]
بخصوص الاطوال والمساحة ابي منكم تساعدوني فيها < مرا غشيم بأمور البناء لا تواخذوني ههههههههههههههه
اولا البني ما راح يكون مسلح من فوق زنك " غرفة الاعلاف بتكون مغلقه تماما اما غرف الحلال بتكون الجدار الخلفي كأمل والامامي والي على جنب قصير بحيث الغنم ما تنقز منـه واسكرة من فوق بشبك على اساس ضمـآن التهوية
راس المـآل فوق ال 100 الف ريـآل
هل يكفي المبلغ للبناء واشترى الحلال انا ما ابي كل شي يكون دفعه واحـدة يعني تقريبا اخلص المبني اول شي وبعدهـآ اشوف باقي المبلغ وش يكفي حلال ولا اعلاف وابداء فيه
ابي مشورتكم ي الربـع