النصر ....بمن حفر

ملف مرفق 9524


سلام عليكم

انا مانجيتو اذا احد يتذكرني

ولو محد تذكرني مش مهم هذا حال الدنيا

ولكن للمعلوميه تراني جيت قبل الهريفي ومحيسن وبقية المبدعين


وهذا انا اعود من جديد بموضوع بسيط احببت ان اشارك به لاول مره هنا


(( عيوب نصر الحاضر ))


دائما التجميع والترقيع لايعطي نتائج طويلة الأجل الا لو كان التجميع
نخبه منتقاه بعنايه كمايحدث او حدث لبرشلونه مثلا والمؤلف من كل أجناس العالم

اما التجميع في النصر فهو اقرب الى طريقة أهل الورش القديمه في البلدان الفقيره
حيث تجد بيجو قديم مركبين مكينة تويوتا قديمه وقير كابرس تسعاوي
صحيح ان مكينة تويوتا قويه لكن فيه شي اسمه انسجام او على الاقل رغبه في الانسجام

وايضا مانسو وأمثاله ..عفوا اقصد قير التسعاوي ماهو شين لكن
هو كان زين في وقته يوم كان حديث


حقيقه يااخوان حتى القطع المحليه (( السعوديه )) اذا كدت في مواني جده
او مواني الدمام تراها ماعاد تفيد في جو الرياض الجاف

وكل هذا فوقه تأثير هذه الترقيعات على كامل المركبه فتجد قطعها الاصليه
تسوء وتخرب لان الجو عامة مايشجع على الابداع

وترى حتى السكر لو زاد في الشاي افسده



الخلاصه

يوم قال الرمز ان النصر بمن حضر تراه يقصد بمن حضر
ابناء النصر الذين نشأوا فيه ولايعني اي احد غيرهم

والمصيبه الان ان اكثر الحاضرين ليسوا من مواليد النصر

والمصيبه الاكبر ان الفكر الذي يدار به النصر يعاني من تأخر
تكوين التصور والتصوير بمعنى ان قراراته مبنيه على الواقع قبل خمس سنوات
والمفروض تكون القرارات مبنيه على الواقع الحاضر في اللحظه التي يتخذ فيها القرار

وبصراحه من أحضر مانسو ليته على الاقل جلب مارادونا كلاعب وليس مدرب
اذا المساله ماضي وقطات وكور ملعوبه عالواقف

والله يااخوان اني اشفق على مانسوا يوم اشوفه يركض ورى الكوره
واقول معقوله النصر معلق اماله بلاعب مايمشي مترين بنفس السرعه


والله ان جريته ورى الكوره مانشوفها الا في ملاعب القطاعات الحكوميه
وقت العصريه يوم تشوف الرقباء المشارفين على التقاعد يلعبون مع اخوياهم



الحلول

لاعب الكوره ماهو سهم في سوق البورصه ممكن يعطي بالمحفزات

لاعب الكوره وبالذات الاجنبي مايجيك رخيص وكويس

لاعب الكوره الشاب بشر ياجماهير النصر

لاعب الكوره له التزاماته ياادارة النصر

لاعب الكوره سرعه ومهاره وذكاء ولياقه واخلاص يامدرب النصر
وكل هذا قد تجده في اولمبي النصر وشبابه بل واشباله




شكرا لكم

المصغرات المرفقة http://forums.al3almi.net/attachment...1&d=1350002242