المشاركة الأصلية كتبت بواسطة نواف الحربي
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
يا مشغلن بالي بذكره و طاريه=أشغلت بالي فيك كل يوم له تطري
وشلون ألومك يا مبعد قلب مغليه=على الجفاء يا مشعلن ناره بـ صدري
طاريك يا مبعد عن القلب يشقيه=تفضّل إقراء ما كتب بالشقاء حبري
مثلك صغير و كل شيء ٍ يسليه= يقوم من نومه و ينـام مـن بـدري
النوم كنّه ملكه و بين أياديه=مايسهر من الهـم لو يسـهر الكـدري
يا ليتني مثلك و كل ٍ يداريه=همّه متى يأخذ المصرف الشهري
ما جضّ بــ الونّات من حرّ مافيه= ولا هيّضه فوق الشجر نايح القمري
ما هوب مثلي كل هم ٍ يناجيه=ما شاف لون الورد و لاشم له عطري
هم ٍ يدكّ القلب و هم ٍ يسرّيه=خابرك يا همّي و مبطي على خبري
و خابرك يا قلب العناء ما تخلّيه=مع ساري همومي تخلّيني و تسري
إن كنت ما تدري عن القلب وش فيه= هالحين وش عذرك إذا قلت لي مدري؟
و إن قلت أدري بس الوضع وما فيه=على الجفاء مغصوب من وليّ أمري
أبـ أطلبك قلبي حبيبي تخّليه= طاريك لا يسري على قلبي و يطري[/poem]
,,,