قطع نانسي .... وحصوه ..وكل التماسيح
اقول العيد قرب وقلت ابي اشري مقاضي العيد مافي وقت
وصرت الوف بفكاري ماعندي مين يخاويني للسوق ؟؟؟
والا يدق الباب وتجي بنت خالتي حصوه قلت يالله حيها اخبارس وشلونس
لا تفسخين عباتس أبيك نروح مشوار قريب.. فركة كعب ونعود خخخ حاممي حامي
داخله في البنت :biggrin:
قالت وين ؟؟ قلت ما عليك ابيك وخلاص
قالت اقولس انا بعد طفشانه واهلي سافروا في هالايجازة وتركوني وقلت ابي اجلس وياك واتسلى ..
قلت الله يبقيس ويخلس يالله حيها ..
ومن الفرح وانها تبي تجلس وياي صرت اطامر واناقز وازغرد :110:
الحين والله بهبب واروح السوق واشري اللي ابي خخخخخ لقيت مين يسليني ويخاوني
والوف عباتي بيد ي واحطها على راسي وارمي الغدفة والشيله
واقول يالله حصوه نبي اليوم نحرث السوق حرث خخخ
وأول ما طبينا السوق الا ونشوف ذاك السواد وذيك الشعور اللي كأنها غابه وتبي حش
ياويلي ويلاه وش صاير .!!
وش فيهاالدنيا مقلوبه والناس متجمعين قلت لا يكون احنا في مكة والحجيج جو عندنا :غمزه:
والا هالملقوفة اللي معي تقول ابي اناظر واشوف وتحوك بين تلك الصفوف
والا هاالشباب متجمعين على بنت الجعرم خخخخخ قصدي عجرم :biggrin:
الله وكبر عمرهم ماشافو مرة ... :11bomb:
الا وتترك الناس وتجي لمنا وحنا متلطمات وتقول وش هيدى اللي لبساته قلت وشهو يابنت... :evil_32:
قالت انسة من فضلك قلت ايه كثري منها قالت وش عم تؤلي ..؟؟
قلت ما عليك بس ..هذا اللي لابسينه احسن من اللي لابسته
ماتشوفين وش سويت بهالشباب كل وااحد سعابيله تعبي تانكي بنزين خخخخ :biggrin:
يبقالنا نصدر هالسعابيل هههههه ونصير الدوله الاولى في تصديرها هههه
قالت وش هيدي سعابيل قلت عصير مثل هاللي تعلنين عنه بالدعيات :biggrin: قالت هيك.. مصدقه المسكينه..خخخخ
وشلون طعمه ابي اجربه ..!! :11ccer:
قلت نعنبوك طعمه احلا من الشاني في ليلة العيد والافراح
قالت من وين اشريه هيدي ابي منه ؟؟ مصره هالبنت خخخ
قلت جيبي اكبر دلخ ورفعي خرقاتك شوي ..وانظري في وجهه وسعابيله وجمعيها بيدك واشربيها هههه
قالت ارفع ايه :11ccer: ؟؟قلت ارفعي اواعيك قالت اه خلجاتي قلت ايه خرقاتك قالت أكثر من هيك !!!
ناظرت فيها قلت لاو الله انت هيك من غير هدوووم هههه :
خليك هيك لا تبلينا بغرق الخليج من سعابيل هالشباب هههه :biggrin:
وبنت خالتي حصوه طايحه تمقل في المرة وأنا مبطوطه سبدي منها
يلعن ابو السوق والحوايج ضيعت علي السوق.. بت الجعرم :11bomb:
وشوي تقول : ممكن نكون اصدقاء قلت خير ياوخيتي بس بتقضى ونجيك ههههههه ابي اصرفها
الا وهالمخبوله حصوه قالت ولو ..يلا تعالي معنا ودقتها صحبه مع بنت الجعرم وانا بنفلق من القهر :11bomb:
وتروح معها بنت خالتي ورجعت انا بيتنا وانا سبدي مبطوووووووطه ما شريت شيء
وكل ماادق على حصوه القى جوالها انتظار وجلست مرابطه ادق عليها حتى ردت واسألها مين تكلمين تقول مع نانسيوه ..... (من الميانه) :11sure:
قلت والله انخبلتي ياالرديه الله يكفيك شرها
قالت بروح الحين لنانسيو ه عازمتني على حفلة شاي من خوفي على بنت خالتي قلت بروح وياك يالخبله
قالت يالله ترى نانسيوه امون عليها ... :11eatdrop
ورحت افكر وش البس لهالحفله ..
لازم اكشخ واوريهم
واقوم واطمر لفطووم بنت جيراننا وأخذ فستانها الأبيض ونوير بنت عمتي وأخذ جزمتها الحمراء وشنطتها الصفراء واختها صارت تلوون في وجهي ..
واروح للحفله واحس اني ملكة زماني وترحب بنا نانسيوه على قول بنت خالتي
وترحب فيا بنت الجعرم وتقول محلاك اليوم طالعة زي القمر تعالي افرجيكي اصدقائي خليك كوول زي حصه تأبريني ورحت معاها
... ولا توريني صديقاتها وأنا ارحب فيهم وأبوس وياحليلي طايحة بوس كل وحدة اربع بوسات :biggrin:
والا تقولي هاه شو رايك بأصدقائي حلوين مو هيك قلت ايه بالله كأنهم تماثيل عرايس بس وشفيه كلهم مولبسين فساتين قالت هيك الموضه تأبريني قلت اه الموضه وانطميت ..
واناظر يمين وشمال والا حصيصه مهي فيه ما ادري وين ذلفت وسابتني مع نانسيوه ههه تصدقون حلوه كلمة نانسيوه ...
والا وشوي شغلو مو سيقى وقالت يلا يا ألبي ارقصي معنا (اسلو )قلت وشهو اسلو (يعني انسو ) قالت لا ألبي (سلو )رأص هادي قلت احب الحماشه أنا والتنقز وما رحت ..خفت.. قلت اشوف هالرقصه هههه مسويه فيها ذكيه :biggrin:
وجلست اتفرج ... الله لاتبلنا على هالبنات متلاصقات في بعض
ويتراقصن ويتمايلن كأنهم مساحات السياراة يوم المطر هههه
ثم اطمر وانقز على منصة الطقاقة وقلها غني (أشر لي بالمنديل ..)قالت ما بعرف قلت غني طيب( حمام جانا مسير )قالت رقص الهمج ما بعزفه ضفيت وجهي ورحت وانا مغيوضه من هالطقاقه :11bomb:
ثم حطت ذيك المو سيقى اللي فيها حركات وصجات ورنات وقالت يالا يا ألبي أومي ارقصي مع فوفو
قلت يلا واتراقص واتلوى وأنا انتظر المطيورة حصوه وين راحت ماادري وش بلاها تأخرت
ونسيت الرقص وسنينه ونسيت حصوه وسرت افكر في رجيلاتي بلا هالجزمه حقت نوير تذبح
والا فوفو تشدني مع يدي وتتلوى واخمع على وجهي قالت سلامتك تأبريني يلا نكمل
وانا وين والرقص وين الله يهد شيطانك يانوير على هالجزمه ما خاليتيني اوريهم فن الرقص :biggrin:
وشوي تجي حصوه وانا اتراقص مع فوفو وتقول والله واعجبتك الحفله واخترتي من هالشباب هالحلو
قلت وش فيك حصوه هذي فوفو ماتشوفينها ملونه وجهها ومافيها ولا شعره بوججها وكأنها مرايه
بس هي لابسة كذا بلاها الموضه قالت ياقلبي أي موضه هذا فادي ... الا واصرخ ذيك الصرخة
وأقول كل اللي هنا شباب وانا طايحة اول ما جيت تبوس فيهم :evil_32:
ويغمن عليه وما اقوم الا وانا بسرير بيتنا ولعنت حصوه وطردتها
قطع هالتطور والموضه اللي يخلي البنات مع الرجال كذا وقطع التقليد والشهرة
وقطع رجال كأنهم بنات... /
/
تحياتي
ورد
