لاحد يزعل مني ... اوك

بتقولوا اللي بتقولوه خلاص ماعاد يهمني لاني عارف انه فيه ناس كثييييييييييييييييييير بنسبة 99% من الاعضاء والله العظيم لايفقهون في كرة القدم شي مع احترامي لهم وللباقيين وللاتحاديين
نرجع لموضوعنا ولاحد يزعل مني بصراحه بصراحه خذوا هذا العنوان اللي بيزعلكم بس الشمس ماتتغطى بغربال ابدا وللاسف اقولها : ( والله الاتحاد مو فريق) مع احترامي من فترة طويييييييييييييله من قبل فترة كيك ومانويل جوزيه وحتى هذه الفترة مع مدربنا طيب الذكر كانيدا والاتحاد والله ماعنده كوره ( تكر - منتشري - مشعل السعيد - كريري - هزازي صغير ) هاذي اسماء لو عندي دوري في الحارة خلاص ماعاد العبهم ,,,,, ياهوووووووو بالله احد يشوف كورة في الملعب بالله فيه لعب فيه باصات فيه تسليم واستلام فيه مهارات فيه لعب ون تو فيه مثلثات فيه تكتيك وهويه واضحه للفريق وربي مافي ولا شي من هذا واللي يقول غير كذا احسن له يروح يتابع دوري بلاي ستيشن .
ياجماعه قاعدين تضحكوا على نفسكم وفرحانين ان مدربنا معجزه وانه داهية وانه وانه ياحبايبي بالله احد شايف هوية للفريق احد شايف تكتيك معين للفريق من يوم ماستلم كانيدا المحترم النادي طيب اول مابدا والله كنت اول واحد اعذره وكنت اقول لسا مو متعود عالفريق وماعندنا لعيبه ومافي محترفين واصابات يعني كان يلعب على امكانيات الفريق لكن معقوله الى الان ولا شفنا منه شي وعندنا محترفين صح ولافيه اصابات ومكتملين وانتدابات وفريقنا للحين لاطعم ولالون ولارايحه يعني المدرب ماف راس امه كوره وجالس يفتي وماشي بالبركه اغلب مبارياتنا ماشيين فيها بدعاء والدينا :
مباراه الاهلي اللي فزنا بهدف هزازي ربك شفلنا
مباراة النصر الي في الرياض الله شفلنا
مباراة الفيصلي في جده تعادل بعد ماكنا متقدمين
مباراة جوانزوا الاولى لو مو راس هزازي الشي الوحيد اللي يعرف له وبرضه ربك شفلنا
مباراة جوانزو الاخيره قمة المسخرة في دفاعاتنا وربك شفلنا

طيب ابغى احد يعطيني من يوم ماستلم كانيدا يعطيني مباراتين على بعضها ابدع فيها الفريق وسوا كل شي غير مباراة الاتفاق مع انه حتى هذه كانت عاديه وغير مباراة بيروزي
مو بس فوز ابغى لعب يعني لعب يعني فن وتكتيك يالله احد يعطيني مباريتين على بعضها نلعب فيها كوره بمعنى كوره حلوه والله ولا حد يكابر ترى انا اتحادي وربي اتحادي اقلكم ماااافي
للاسف فريق متهالك اخطاءه كثيره دفاعه يضحك والله يضحك اتحدى احد يجيب لي لاعب محلي مميز في الاتحاد برضه للاسف مافي ولا حد يقلي نور لان نور بالعربي الفصيح ( انتهى ) ماعاد هو نور واللي يزيد طينة النادي بله هو مدربنا المعجزه كانيدا نفسي اعرف اللي يقول عليه مدرب على اي اساس يحكم عليه ياخي مدرب يورطك ويحب يفتي وتشكيلته غلط في غلط يعني لما يرجع يسوي الصح بالله نقول عليه معجزه وداهيه والله كلام يضحك انا لو جبت واحد من عيال المدرسة الابتدائيه اللي جنبنا وقلتله حط تشكيله للاتحاد يمكن يحطها احسن من كانيدا ترى اللي يرجع في الشوط الثاني ويعدل تشكيلاته مانسميه داهيه هذا نسميه واحد مو فاهم ومتفلسف وبعدين رجع عمل اللي الولد حق الابتدائيه كان بيسويه
انا ماابغى افوز ولا اتعادل بالبركه لانه الشي هذا مايدوم موسم كامل - انا ابغى انهزم بس العب كوره صح لانه هذا الشي اللي حيخليني انجح حتى لو الموسم الجاي
ياجماعة الخير يمكن من 4 سنين واكثر ماصرنا نشوف كوره في الاتحاد والدليل ماعندنا الا بطولة كاس خادم الحرمين وانا مااسميها بطوله لان الاهلي الي هو الاهلي جابها مبارتين وتتاهل النهائي
لانقعد نمدح الفريق ونعطيه اكبر من حجمه لاننا كذا نخدره ونخليه يفتكر ان هذا هو مستواه الطبيعي
عموما انا عارف اني طولت بس والله لانه خلاص مليت من الفريق والمدرب كل يوم اقول يمكن يتعدل يمكن نرجع نلعب كوره صح بس للاسف احنا فرحانين اننا مانهزمنا حتى لو ماناخذ بطوله اهم شي عندكم نحقق رقم قياسي في عدم الهزايم والادهى اننا قاعدين نطبل لخوينا كانيدا اللي نفسي اعرف كيف بعضكم يسميه مدرب

خاتمه / املي في شباب النادي وناشئينه لان فيهم لعيبه