احــتــرس من الخــنــبــقــة
السلام عليكم ورحمة الله وبركاته ,,,
هذي سالفه روية لي وصراحه السالفه على ذمة الراوي .
يقولك هذا واحد يتقضى ومعه اعياله الصغار في السوق , يوم خلص وجاء راجع للسياره وهو يمشي جتها وحده .
وقالت له : ممكن
الرجال : !!!! وطنش ,
ركب الرجال اعياله السياره بس ولو قلبه يقرقع يبي يشوف ذا البنت وش عندها ولا يبي اعياله ينتبهون له المهم سوا على باله انه رايح بيدخل محل , رجعت عليه البنت مره ثانيه .
وقالت : ممكن
قال : ممكن ايش
قالت : انت بصراحه عاجبني بس اعجابي فيك شريف وانا اسمي فلانه الفلاني <<< عائله معروفه الفلاني ههههههه
قال : طيب ما تشوفين ان معي اعيال اصغار واني رجال متزوج . << مخلص
قالت: الا وانا عارفه انك متزوج بس انا معجبه فيك واعجابي فيك ماله دخل انت متزوج ولا منتاب متزوج ... على العموم هذا رقم تلفوني ياليت اسمع صوتك <<< وين ذا البنات
الرجال اخذ الرقم وبغى يشققه بس قال في نفسه ( اللحين لو شققته وقلت السالفه ميد اخوياي اللي في الاستراحه بيقلون ميدي اني نصاب .. تدري بخلي الرقم معي عشان لو قلت السالفه اللي مهوب مصدق اعطيه الرقم ويتاكد ) راح الرجال للاستراحه وقال السالفه لربعه !!! طبعن ربعه منهم من صدقه ومنهم من قال منتاب عاقل يا رشدي اباظه .
الرجال قام يناظرهم بكبرياء << معه دليل
وقال: اللي مهوب مصدقني هذا رقم البنت واسمها فلانه دق يا ابو فلان وحطه على السبيكر( مكبر الصوت ) وخل الربع يسمعون اللي بتقوله .
المهم اخذ واحد الرقم ودق على البنت وهو حاطه على السبيكر , وردة البنت .
قال خويه : الو
قالت : نعم
قال خويه : انتي فلانه
قالت : نعم من معي
قال خويه : انا اللي في السوق اللي عطيتيني رقمك
قالت : وشو
قال خويه: انا اللي انتي معجبه فيني
قالت : اول شي مهوب هذا صوت اللي انا عطيته رقمي , وياليت ان كانه عندك تعطيني اكلمه .
رد عليها اللي معطيته اهي الرقم
قال : هلا
قالت : صدق انك انسان حقير ولا عندك ذرة حياء , وانا غلطانه اني اعطيتك رقمي كنت متوقعه انك رجال ذرب اثرك سفله وما تستحي على وجهك طررررررررررررررررقع <<< السماعه
طبعن كان الكلام كله على الهوى مباشره كان مشغل السبيكر وكل ربعه سمعو السالفه .
قالو اللي عنده لا مالك حق <<< قلبو عليه . المفروض تتصل وتعتذر منها الرجال قال لا خلاص السالفه راحت قالو ربعه لا اتصل واعتذر .
اتصل الرجال , وردة البنت
قال : الوه
قالت : وشتبي
قال : معليش والله انا اسف بس تعرفين رقمك لاقاه واحد واهو صراحه اللي دق وانا مدري <<< ما يعرف يرقع
قالت : لا ياشيخ
قال : انا صراحه متصل ابي العذر والسموحه منك وابيك ما تاخذين على خاطرك مني .
قالت : هذا انتم تحسبون كل البنات زي بعض , يكون في علمك مو علشاني قلت ميدك اني معجبه فيك تتوقع مني اني بسوي معك شي بيغضب الله , يعلم الله اني ما ارضى ان احد يمس شعره من جسمي ولا احد يشوف وجهي الا محرم .
قال : وشلون
قالت : تمر ولون <<< من عندي لا تحسبونها
قال : لا تحسبيني اني لعاب واني ادور تسليه بس الامر اني حسيت اني اخطيت عليك وحبيت اتعذر منك .
قالت : طيب وش المطلوب اللحين , ان كان نيتك انك بتسوي علاقه معي عن طريق التلفون فهذي مش خشمك منها <<< برضو من عندي لا تحسبونها , وان كان غرضك شريف ورجال بتقدر الامور هذي وبتجي بتخطبني وصفتلك بيتنا , طررررررررررررقع << السماعه طاحت
الرجال قابل واحد من اخوياه الخاصين وقاله السالفه , وتعجب خويه
قال : معقوله صار كذا
قال خوينا : معقولتين وما جاك الا الصدق
قال : طيب وش سويت
قال خوينا : منيب مسوي شي
قال: طيب ورى ما تدق عليها وتشوف هي صادقه انها بتوصفلك بيتهم ولا لا, وش بيضرك انت جرب والتجربه خير برهان .
قال خوينا : ضنك كذا
قال : دق عليها وما جاك عندي
المهم خوينا متتردد يدق ما يدق المهم دق عليها
قال : فلانه
قالت : هلا
قال: انا فلان
قالت : عرفتك من صوتك <<< يضرب الحب شو بيزل
قال : انتي قلتيلي انك بتوصفين لي بيتكم وبتخليني اجي عندك << ما عنده اسلوب
قالت : ايه وانا صادقه
قال : يالله اوصفيه << مغازل حرفيه
وصفت البيت البنت
قالت : تعال عندنا بعد صلاة العصر
قال : تم << ما صدق على الله ( وش خلو للعزوبيه ذا المتزوجين )
جاء يوم الاربعاء بعد صلاة العصر
طق الباب
طلع لمه رجال شنب رحب فيه وقلطه في المجلس , دخل المجلس لقى المجلس مليان رجاجيل وقام يعرفه الشنب با للي جالسين
قال الشنب : هذا ابو البنت وهذا خالها وهذولا عمانها وهذولا اخوانها .
جلس الرجال وكل اللي في المجلس يناظرونه , عطوه القهوه وصبو الشاهي ثمن تلكم الشايب اللي فيهم
قال الشايب: يا ولد انت صامل انك تخطب البنت , ترى مانبي منك اي شي لا مهر ولا هم يحزنون وحنا ما نشتري الا رجال وانا ابوك وترى محناب مخلينك تاخذها الا لين تشوفها الشوفه الشرعيه ان كانك ارتحت جبنا المملك وكتبنا , هاه وش رايك انت صامل تبي نخليك تشوفها .
قال : الا والله صامل <<< شي ببلاش ربحه بين
نادو البنت في مجلس ثاني ودخلو خوينا عليها وشافها خوينا وتحسف انه ما جاء يخطبها من بدري , طلعت البنت مزيونه .
طلع وقال جيبو المملك
جابو المملك وكتبو
قال المملك : كم المهر
قال الشنب : 30 الف
خوينا <<< بلع ريقه وتوه جاي بيقول وين يا ابو الشباب على مين
طلع الشنب من جيبه الدراهم وذبه عند ابو البنت
خوينا << كنه ما شاف شي يقالك تراي ماانتبهت
الرجال ملك على البنت وطلعت البنت له وركبو في السياره ,
قالت : ترى اهلي حاجزين لنا في الشرتون يومين
قال : لا مالهم حق <<< وهو انواع الفله
قالت : المهم هم حجزو والدراهم دفعت
راحو للفندق وجلسو مع بعض وتذكر انه متزوج وله حرمه بتسأل عنه
قال: فيه مشكله اللحين
قالت : وشي
قال: وش بقول لمرتي واهي ما تعودة اني انام برى البيت
قالت: والله يا فلان انا مرتك ومن ايدك ذي الى ايدك الثانيه تبي تقعد عندي الى العشاء وتروح لعيالك تبي تنام عندي انا حلالك بلالك سو فيني اللي تبي .
قال : تدرين بدق عليها وبقول اني بزرق يومين لمزرعة واحد من اخوياي وانشالله انها بتوافق <<< ماش سكه الرجال مهوب حمش
دق على مرته الاولى وقال ميدها العذر اللي طبخه مع الجديده ومشة على الضعيفه وصدقة .
جاء يوم الجمعه
الرجال حب مرته الجديده
قال: اسمعي يا بنت الناس انا ذا الوضع منيب صابر عليه كذا واعيالي ما تعودو اني انام برى البيت .
قالت : والله ياحبيبي سو اللي تبي انا منيب مخالفه عن اي شي تبي تسويه .
راح الرجال وحط مرته الجديده في بيت اهلها وراح لبيته وقابل مرته الاولى , وخنبق وفل السبحه لها كلها .
قالت : والله ما اقعد ياللي مالك خاتمه
قال : يا بنت الحلال انطقي في بيتك ترى مالك الا اعيالك والموضوع وصار وانا مافيه امل اتخلا عنها ولا اتركها <<< ومن الحب ما قتل
كبرة المشكله بينه وبين حرمته القديمه وتدخلو اهل القديمه حاولو يحلون الموضوع بس مافيه فايده .
قالو : يا فلان ذا البنت اللي تزوجتها تعرف اصلها وفصلها
قال : ما يحتاج البنت اصل وفصل وبنت اجواد , وعقلو اختكم ترى الموضوع صار ولا فيه امل ارجع عن قراري وترى كل اللي تبيه انا حاضر فيه بس ترى يوم الاربعاء بروح لحرمتي الجديده ولا نيب راجع الا يوم الجمعه .
رضخت المره القديمه للامر الواقع وسلمت رايتها بس بشروط وكل الشروط اللي قالتها ميد خوينا وافق عليها . وراح الرجال استاجر شقه مفروشه وضبط الاوضاع وشب اشموع لزوم الليله .
الرجال راح لبيت زوجته الجديده , طق الباب .. فتح الباب نفس الرجال اللي فتحله المره الاولى ( الشنب ) رحب فيه وقلطه , ودخل على المجلس والله المجلس نفس ما هو ما زادو ولا نقصو خوينا استغرب وجلس .
قال : ياليت تزهمون مرتي لاني بطلع عجل .
قالو : والله يا فلان المره عافتك وتبي تتطلق
قال : وشو
قالو : جاك العلم المره عافتك ونبيك تطلقها
قال: قال وين خذوه فغلوه , اول شي من قالكم انها عافتني انا طالع من عندها اخر مره واهي مبسوطه .
قالو : يعني تبي تسمع ذا الكلام بلسانها
قال: ايه
صوتو للبنت ودخلوها للمجلس الثاني ونادوه , دخل خوينا المجلس ولقى مرته .
قال: يا فلان وش ذا الكلام اللي يقلونه
قالت : انا يا فلان عفتك وصراحه ابيك تطلقني
قال: والطلاق على كيفك تحسبينه امر سهل
قالت : ياخي مابيك خلاص عفتك وش تبي << تقول ذا الكلمه وحايمه تسبدها منه .
قالو اهلها : هاه ارتحت يالله طلق هذاك سمعتها بذنك
قال: والله اطلق ما اطلق ذا الشي بكيفي مهوب انتم اللي تجبروني عليه
قام الشنب <<< معصب
قال الشنب : تطلق يعني تطلق غصبن على شاربك
قال: والله معصي
قال الشايب اللي في المجلس: يا ولدي كان قصدك دراهم ترى المهراللي اندفع لك خذه اهو لك .
قال : الامر عندي وانا اعرف وش اسوي واما دراهم ما تقوم عندي ولا تقعد. << ايه هين
قام الشنب وطلع فرد <<< شرس
قال الشنب : تطلق والا والله لاخلي فشقه بين اعيونك .
طبعن الرجال شاف فيها مسدسات وامور سفرها وموقفه اللحين صار بايخ .
قامو اللي في المجلس يهدون ابو شنب اللين هدى وجلس
خوينا نصى الشايب اللي في ا لمجلس
قال: انا ابي اعرف السالفه وشي وش اللي اتزوج قبل اسبوع واللحين اطلق ان كانكم سامعين عني شي علموني .
قال الشايب: لاوالله ما سمعنا عنك اي شي
قال : اجل وش السالفه
قال الشايب : يعني لو قلتلك السالفه بتطلق
قال: ابد اذا قلتها والله لا اطلق
قال الشايب : شفت الرجال هذا ابو شنب
قال : ايه
قال الشايب : هذا رجلها وطلقها ثلاث مرات وهو يبيها واهي تبيه وما ينفع نخليها تحل له الا اذا تزوجه احد .
قال: ايـــــــــــــــــــــــ ــــــــه
جابو المملك وطلق الرجال , ورجع لبيت مرته القديمه خايب الرجاء ولقى المره مضبطه وضعها على انه مهوب راجع ومناديه اهلها يسمرون عندها , ودخل عليهم خوينا فجاءه واستغربو انه جاء , طبعن كل اللي في البيت يكرهونه , مشو اهل المره , وجت مرته
قالت : وش رجعك يا زين البهيه
قال : طلقت المره
وخر السالفه كلها على مرته القديمه .
وتوتا توتا خلصت الحتوتا
اللي مهوب مصدق يسأل المملك .
ترى الموضوع م ن ق و ل لحد يقول ماعلمتنا
اخوكم ساعي البريد....
