فزعتك ياسنااافي .. ولايهونون اهل الخبرة بالمنتدى !!!

اغنام - ابل - دواجن - طيور

اسعد الله مساء الجميع

ابي الفزعه يالربع بمشكله المسك وقت القريع وهل هالمشكله تعتبر الجفره مامسكت مع التيس والا فيه شي ثاني

بقولكم السالفه

جبتلي تيس قبل تقريبا اسبوعين وقرع المواعز الصغار عندي ، يعني توهن تقريبا اعمارهن بالسبع شهور اول مره يقرعن

بس لاحظت في ماده بيضه عن فتحته العنز (متوهق مدري وش تسمونها) هههههه
المهم بحط لكم صور تبين المشكله

هي ماده بيضه تقريبا تميل للصفاااار مع العلم التيس قبل اسبوعين او اكثر شوي قرعهن وهي اعمارهن توهن صغار حول السبع شهور تقريبا
اخليكم مع الصور وابي شوركم

[IMG][IMG]http://im17.********************************************/gPRS1.jpg[/IMG][/IMG]

[IMG][IMG]http://im17.********************************************/PA1c2.jpg[/IMG][/IMG]

[IMG][IMG]http://im17.********************************************/djMU3.jpg[/IMG][/IMG]

اجلكم الله واكرمكم ورفع مقداركم ، المعذره علي اماكن التصوير ولكن لاحياة في الطب

وش تشورون علي

مع العلم المواعز عندي مكرمهن مره وباين علي بطونهن كبيره شوي ومليانات

سؤالي
هل اجيب التيس مره ثانية يقرعهن وهل هالشي الابيض هذا هو من التيس وتعتبر العنز مامسكت معه

افيييييدوني وجزاكم الله عنا الف خير
ورحم والديكم