ياناشدن عني تراي انا عون ** ابوي نشمي والنشامى قليلين , للشاعر عون ابن نشمي السلمي
بسم الله الرحمن الرحيم اخواني واخواتي بدون تطويل عليكم هذى القصيده للشاعر / عون نشمي الجبريني السلمي ابن خالى وخال عيالى
وهاذا الشاعر بعيد كل البعد عن النت, الصحافه ,عن الناس كذالك , اترككم مع احد قصائده والمعذره منكم وابي رايكم عن القصيده
[poem=font="Simplified Arabic,5,darkred,bold,italic" bkcolor="transparent" bkimage="" border="double,4,limegreen" type=1 line=0 align=center use=ex num="0,black"]
ياناشدٍ عني تراي انا عون = أبوي نشمي والنشاما قليلين
من عادتي لنكانكم ماتعرفون= كسب الجمايل بين ربعي والأدنين
وافرح بشوف الضيف لو كان مالون = الرزق ماهو فى يدين البخيلين
وأعرف حقوق الجار وزعه وقانون = هذي وصية من نبي المصلين
وأكره كثير الهرج من غير مظمون = وكره رجالٍ فالمجالس مناجين
ولاحط سمعي هرجه اللي يقولون = نمامة المجلس لسان الشياطين
ولاشيل فى قلبي ولابات مغبون = مدام قافينا حساب وموازين
والناس عندي كلهم جوف ماعون = راع الريال وراعي أ كبر ملايين
المال لو ينفع نفع قوم قارون = لاشك بالتقوي نصل قمة الدين
والملك لو ينفع نفع قوم فرعون = ماكان راحو فالبحر بين طورين
نويت اختم القول يلي تعرفون = ببيات فاظت من ظميري بتقنين
لأاقول أنا قاظي ولأاقول مامون= محدمعصوم من الخطى الى النبيين
وختامها بسم اللى فرض خمسه أركون = الواحد اللي كون الكون تكوين
صلو على سيد البشر ألف مليون = شفيعنا يوم الحشر قولو أمين [/poem]
وسلامتكم وسلامه قائلها عوووووون (راع الأصيلة )
