بعض العرب

قد تكون هذه القصيدة وجهت

... لسهم المنايا ... باسمه ... ولكنها رسالة للجميع ...

في زمن اختلط فيه الصدق بالكذب .... وتلاشت معاني الوفاء ....

أرجو أن تقبلوا رسالتي ( قصيدتي ) والتي تحاكي واقعنا الذي نعيشه

[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
بعض العرب


يا سهم خاويتك ,, ونعم المخاواة= حزت المراجل والعلوم الحسينة

بعطيك قافٍ تفهم الناس معناه= والعلم ما هو في يديني رهينة

الناس في الدنيا ترى ما هي اشبـاه=ناسٍ على النية وناسٍ لعينــــة

ناسٍ تهز الراس وتمشي كما الشــاه = وناسٍ بوسط الناس تبقى ذهينــة

بعض العرب لاجاك قمــت تحفـــــاه = وبعض العرب لا جاك ودك تهيــنه

وبعض العرب لاضاق وقتك بتلقــــاه = وبعض العرب لاضقت دوره وينـــه

بعض العرب صدقــه مرافق شفايــاه = وبعض العرب كذبه تشوفه بعينـه

بعض العرب طيبــه تجمع بيمنـــاه = وبعض العرب طيبه مخاصم يدينـه

وبعض العرب يفرح زمانك بفرقـــاه = وبعض العرب تبكي عشانه مدينـه

وبعض العرب ياحلو اسمــه وطريـاه = وبعض العرب ذكره خراب السفينه

وبعض العرب يعطيك سمه وســط مـاه = ويشيل لك بالصدر حقد وضغينــه

هذاك وده ضحكتك تنقلـــب ( آآه ) = ووده يشوفك دوم نـــفسك حزينة

وبعض العرب يكتم على الغير شكــواه = ويطلب من الله دوم إنه يعينـه

وبقــسمة الرحمن يرضى بما جـــاه = ويقول زينه,,, دامها منه زينه

وبعض العرب لوفي يده كنز ما كفاه = ونفسه على ما جا من الرزق شينه

وبعض العرب ممشاه 000يقهرك ممشاه = لا شفت دينه احترت من وين دينه؟

(الجـنز)لبسه ولبسة الغرب تزهـاه = وتضيع ما بين البنية وبينــه!!

ماكل رجـــالٍ مثـــل منت تبغــاه = ولا كل رجالٍ يحـــــوز الثمينة

واعرف ترى ذا الناس ما كلها اشباه = والذيب يعرف من تخاوي يمينه
[/poet]

بعض العرب طيبــه تجمع بيمنـــاه

.............. وبعض العرب طيبه مخاصم يدينـه

وبعض العرب يفرح زمانك بفرقـــاه

.............. وبعض العرب تبكي عشانه مدينـه

وبعض العرب ياحلو اسمــه وطريـاه

.............. وبعض العرب ذكره خراب السفينه



قصيدة رائعة جداً جداً

سلمت أناملك يا أخوي الغالي ودمت لنا ..

وأتمنى أن تكون قلوب الناس مرآة لنواياهم .. حتى لا نعيش معاناة النفاق .. الاجتماعي



ودمت يا أخي الكبير

استاااذناااا الرااائع

جمااال الشعر في تنوعه والاجمل منه انك انت من كتبه

وجدتك في شعر المشاعر قمه وفي شعر الوطن استاااذ وفي الحكمه نهرااا من ذهب

ماشاء الله عليك مهما كتبت ساظل مقصره رسمت لنا لوحه صادقه عن احوال البشر خطتهاااا يد شاعر متمكن

سنظل نتعلم منك الكثير

صح قلبك ملاااييين اخي العزيز


وووووووووووو
بعض العـرب لاجـاك قمـت تحفـاه
وبعض العـرب لا جـاك ودك iiتهينـه


وبعض العرب لاضـاق وقتـك iiبتلقـاه
وبعض العـرب لاضقـت دوره iiوينـه


بعض العـرب لاجـاك قمـت تحفـاه
وبعض العـرب لا جـاك ودك iiتهينـه
وبعض العرب لاضـاق وقتـك iiبتلقـاه
وبعض العـرب لاضقـت دوره iiوينـه

أخــــــــــوي الغــــــــالي : عشــــق ليــــــــــل



أود منك أن تسمـــــــح لي أن أسمــي هذه القصيــــــــده الرائعــــــــه جداً .


بســـــــــــــــــــم :: (( المعجــــــــــــــــــزه )) .

معجــــــــــزه فعلاً بألفاضها ومعــــــــانيها وحروفهــــــــــا

وشاعــــــــــــرها هو قمّــــة الإعجـــــــــــاز ذاته ولك أن تتأمـــــــــــــل :


وبعض العرب لاضـاق وقتـك iiبتلقـاه
وبعض العـرب لاضقـت دوره iiوينـه


بعض العرب صدقـه مرافـق iiشفايـاه
وبعض العـرب كذبـه تشوفـه iiبعينـه


بعض العـرب طيبـه تجمـع iiبيمنـاه
وبعض العرب طيبـه مخاصـم iiيدينـه


وبعض العرب يفـرح زمانـك بفرقـاه
وبعض العرب تبكـي عشانـه iiمدينـه


وبعض العرب ياحلـو اسمـه وطريـاه
وبعض العرب ذكره خـراب iiالسفينـه


وبعض العرب يعطيك سمه وسط iiمـاه
ويشيل لـك بالصـدر حقـد iiوضغينـه


هـذاك وده ضحكتـك تنقلـب ( آآه ii)
ووده يشوفـك دوم نفـسـك حزيـنـة


وبعض العرب يكتم على الغير iiشكـواه
ويطلـب مـن الله دوم إنــه يعيـنـه


وبقسمة الرحمـن يرضـى بمـا iiجـاه
ويقـول زينـه,,, دامهـا منـه iiزينـه


وبعض العرب لوفي يده كنز مـا iiكفـاه
ونفسه على ما جا مـن الـرزق iiشينـه


وبعض العرب ممشاه 000يقهرك ممشاه
لا شفت دينه احترت من ويـن iiدينـه؟


(الجنز)لبسـه ولبسـة الغـرب iiتزهـاه
وتضيـع مـا بيـن البنيـة iiوبيـنـه!!


ماكـل رجـالٍ مثـل منـت iiتبـغـاه
ولا كـل رجـالٍ يـحـوز iiالثميـنـة


واعرف ترى ذا الناس ما كلهـا iiاشبـاه
والذيب يعـرف مـن تخـاوي iiيمينـه


سلمت يمينــــــــــــك

أخــــــــــوك : الكــــــــايد (( راكــان )) .

واعرف ترى ذا الناس ما كلها iشبـاه
..............................والذيب يعـرف مـن تخـاوي يمينـه


استاذنا عشق ليل
لله درك
واقول لك لقين خويك يالقرم

اقف لك احتراما ولنقاوتك تقديرا



شقراااااااان

صح السانك ولاهنت شاعرنا


قصيده جميل من شاعر رائع


اختك وفاء

بعض العـرب طيبـه تجمـع بيمنـاه
وبعض العرب طيبـه مخاصـم يدينـه

بعض العـرب طيبـه تجمـع بيمنـاه
وبعض العرب طيبـه مخاصـم يدينـه

بعض العـرب طيبـه تجمـع بيمنـاه
وبعض العرب طيبـه مخاصـم يدينـه

اخوي المبدع عشق ليل

اعتذر لقطفي احد الورود مع انها متشابهه باللون والرائحه ولكن هالبيت يهمني ثقل معناه

صح لسانك وكلمة حق اقولها مامر علي قصيده سلبتني بجميع ابياتها كهذه

ليست قصيده بل حكم وشهادات حقيقيه لشخص ملم بأصناف البشر

ماشاءالله عليك

والله ماني عارف وش اقول

لكن هالقصيده ساثبتها اكثر مده كي يقرأها الكل للاستفاده وساخذ عيّنه منها للتميز وهي اول موضوع انقله للتميز

من دون مجامله اخوي سعد الواحد يجد حرج في كتابة القصائد بعد هذه

اعجابي بهذا العزف الراقي لاعدمتك

وتقبل تحياتي

صح لسااااااااانك



وسلمت يمينك أخوي ي ي ي.

.
.

عشق لال ،،،

إسمحلي أصنفك من الإرهابيين ،،

وش هالذرية ماشاء الله عليك .. وصح لسانك .. ،،

حقيقة تستاهل المدح .. الله يبيض وجهك يابو عبدالرحمن،،

والظاهر والله أعلم إن سهم محتاس ما يدري وش يقابلك به .. لكن خله يستاهل ،،

أخيك // عسيب ،،

صح لسانك أخي الغالي ... عشق ليل

وليس بغريب عليك هذا الإبداع .... فأنت أهل للإبداع ...

واسمح لي بمجاراتك ببعض الأبيات المتواضعة ... لعلها ترتقي لمستوى قصيدتك المتميزة ..


[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يا عشق في قافك ,, قريت المعاناه=والبعض الآخر شفت فيه السكينة
الطيب ما ينزل على من تمناه=الطيب يبغى له قلوبٍ فطينة
يا كثر من صوب على الطيب وأخطاه=ويا كثر من يجني ( العنب ) قبل حينه
يا كثر من يبغى على العز مسعاه=لكن طموحه ضيعنه سنينه
بعض العرب حقده توقف بمرساه=وبعض العرب قلبه يداعب حنينه
وبعض العرب مرهون للزيف والجاه=وبعض العرب نفسه حكمها رهينة
وبعض العرب يصون عرضه ومبداه=وبعض العرب للذل عرضه يدينـــه
وبعض العرب ينحب من ضحكة شفاه=وبعض العرب ينعاف من ثقل طينه
وبعض العرب غطى على الناس جفواه=شديد ... كن الناس هم مزعلينه
وبعض العرب كلٍ يدور على رضاه=يحبه العذّال بأسباب لينه
وبعض العرب تفضح ذنوبه حلاياه=وبعض العرب طهره كتب في جبينه
يا عشق خاويتك ونعم المخاواه=ولا شك أنت اللي علومك حسينة
[/poet]

أتمنى أن تنال إعجابك وإعجاب الجميع ......

======================

أخي الغالي .... عسيب

ثق تماماً أنني بالفعل وقفت مذهولاً أمام روعة القصيدة .... ولم أكن أريد الاستعجال في الرد ... لأنها بالفعل قصيدة مذهلة .... فأحببت التأني ..
وأهدي الأخ ... عسيب هذين البيتين ...
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

ماني من اللي لا قرا شئ ينساه=ولا أستدين الشعر لو صار دينه
المسألة إني اتركد وأنا اقراه=والخبز يخرب لا تعجل عجينه
[/poet]

وللجميع أطيب التحايا ..... من أخيك سهم المنايا

وبعض العرب يكتم على الغير شكـواه
ويطلـب مـن الله دوم إنـه يعيـنـه

عشق ليل

صح لسانك و سلمت اناملك الذهبية على القصيدة الرائعة

----------------------------------------------

سهم المنايا

مجاراة جدا رائعة

و ليس بغريب على مبدع مثلك

سلمت اناملك

حســــــــاسة

.
.

أخي الغالي // سهم المنايا

تسلم على ردك الطيب والرائع حقاً والله يعطيك العافية .. والحقيقة إنه ما ينمزح معك ... أنا أبغاك ترد على الرجال .. وتقوم تشره ( هو أنا طلبت منك شره ) يا اخي مافكيتني .. الله ولا بعض الشرهات عزالله إن موهقة ...!! ( تراني أمزح ) بعد لاتقوم تشرهني مرة ثانيه ،،،

المهم .. هذه مجاراه .. وليعلم الجميع أنني لست شاعراً .. بل متذوق للشعر ولي محاولات هذه واحدة منها ،،،

فإليكم مع التحية :

ياسهم مالي فـ الشعر والمجـــــاراه ××× ياسهم عفت الشعر زينه وشينه

ياسهم ماخطة يمينك فهمنـــــــــــاه ××× أفهم معاني ماظهر والدفينــــــه

ماني من اللي لا بغى الشعر يبــــلاه ××× ولا يزور ماتخطه يدينــــــــــــه

هذي بنات أفكار فكري ومجنـــــــاه ××× لافاح من قلب المعنى كنينـــــــه

بعض العرب ياسهم تحمد سجيــــاه ××× لا حل ذكره ماذكر ما يهينــــــــه

وبعض العرب ياسهم ودك بلامـــاه ××× يضحك احجاجه والروابع سمينه

وبعض العرب تدمح فعوله خطايـاه ××× قرم شجاع وضيغمٍ في عرينــــه

شرواك ياسهم المنايا وشـــــــرواه ××× سعد صديق الطيب سلمت يمينـه

وفيه من ودك على الارض تاطــاه ××× ترصع على راسه وتترب جبينــه

خطو البهيم ياكبر زوله وعلبـــــاه ××× عفاس ثور مربع (ن ) في جرينه

حاش العلوم المخزيه والله أخــزاه ××× يقطعك يامن باع بالمال دينـــــــه

وسلامتك وسلامة الجميع ،،،،

أخوكم // عسيب

أخي الغالي ... عسيب

صح لسانك ...... وصرااااحة مجاراتك كانت راااااااائعة بالفعل ....

سبق أن قلت لك لا تتعدى منتدى الشعر ..... لأنك بالفعل شاعر وليس متذوق فقط ...

أما الشرهة اللي تقول عنها هي مجرد مداعبة ... أعلم أنك ستتقبلها بصدر رحب ...

تحياتي لك

أخوك ... سهم المنايا

أخوي الغالي

جمال القصيدة يكمن في حس الشاعر

والله أنك شلت ما بقلبي من ثقل

مما نعيشه اليوم من عدم الصدق والامانه

الناس في الدنيا ترى مـا هـي اشبـاه
............................ نـاسٍ علـى النيـة ونـاسٍ لعيـنـة

********

ماكـل رجـالٍ مثـل منـت تبـغـاه
............................ ولا كـل رجـالٍ يـحـوز الثميـنـة


واعرف ترى ذا الناس ما كلها اشبـاه
............................ والذيب يعـرف مـن تخـاوي يمينـه

صح لسانك

ولك أصدق تحياتي ،،،،

[ALIGN=CENTER]يسلموووووو شاعرنا عشق ليل وصح لسانك

كلمات ولا أروع وفعلا الناس اجناس ويابخت من كان صاحبة صادق وفي

لاعدمناك أخوي[/ALIGN]