(ooo(رقمتها وطلعت اميـــرهـ)ooo)
[align=center]هـــــــذا الموضووع برعاية :[/align]
[align=center]http://saudiembassy.net/Publications...ges/dairy9.jpg[/align]
[align=center]اشرب حليب السعوديه اذا كنت طفشانا.. اشرب حليب السعوديه اذا كنت تعاني من الحموضه .. اشرب حليب السعوديه لأنك سوف تحس بالجاير من موضووعي الجاير ..
وطبع على نفقة ابو فديتك ويوزع مجانا ولايباع وكل نسخه مكتوب عليها لبيه ياحليب السعوديه
هذه النسخه الاولى وانشاء الله ستتوارى النسخه الثانيه والاخيرهـ بعده هذا ا لكتيّب.. اذا لاقى مفعولا طيبا من خششكم الكريمه يااصحاب الود :
=======================[/align]
[align=center]والهدف من هذا الموضووع هو ارضاء المقيمين وزرع الضحكه علىوجيه المراهقين وابتسامة العاقلين واهم حاجه راحة ا لركاب والمسافرين
طبعا مثل ماقالوا المكتوب من عنوانه .. يعني وانت تقرا الموضووع للوهله الاولى وش ضنك يعني اشرح لك كيف تعد فطيرة التفاح .. اكيد ترقيم يعني مغازل يعني سربته يعني قلة حيا..
هذه الاايام ماخليت باب ماطقيته ماخليت سوق مافريته ماخليت كوفي شوب ماارزحت عنده وكل هذا تحت عنوان((لازم اترك الانترنت وادمانه)).. بس الضاهر كلية الملك عبدالعزيز للعلوم والتقنيه مدخله مع خدمة النت هروين مخدر : ((شطح الماخووذ)) بس ماعلينا خلال الفتره الوجيزه هذه حدثت بلاوي ..وهالايام اشوف البرد هاه هاه قايمن يلومسنا وياروحي ياثوب الدفه
توجهت ذات يوم من اايام الاربعاء بحفظ الله ورعايته من منزلنا الكائن بالشرقيه الا الرياض((نصاب الا جاين اخوك وجالسن عنده وتقول منزلنا)) .. اخذت لي كم مخالفه على السريع هذي سرعه جنونيه وهذي عدم حمل رخصه. وهذي استماره منتهيه ويلله شيل بالدرج من الاوراق الصفر.. ولكن فيه واحد من العيال مخربها يمسح القسايم مدري كيف بس تراه يقرب لي ((بيعلمكم انه مهم ويمسح المخالفات ولايعرف الدرج))
ايــوه اقولكم وصلت الرياض طبعا كان عندي كم هائل من رصيد الاجازات هاه هاه((فاتح يدينك وبيوريكم ان الاجازات كثيره)) ..نمت الاربعا والخميس والجمعه والسبت كلها تحت المكيف.. بعدها بكم يوم صحصحنا قلنا نبي نخت لنا لكم دوله شقيقه بلا سياحه داخليه بلا هم((مره سياحه داخليه مره بيخربها واخرتها ملاهي عطالله هههههههههه))..فكرت وفكرت وفكرت . البحرين طفشانين منها الكويت ماتصلح الامارات مالي خلق لها عمان اممم هلوسه سوريا وع اخاف اروح لها ثمن تطب علينا امريكا ناكلها تسعه صفر.. مصر انتخابات وقلة حيا والجمهوريه قايمه قاعده ههههههه
جده..اممممم والله ما هيب شينه .. قلنا ياولد دام الدعوه مافيها فساد وخراب خلنا نروح لجده ام الرخا و الشده وناخذ لنا عمرهـ _((طبعا المقصد كله عمره))
خط الحجاز . غرب الرياض. محطة النجمه ..
كانت هذه نقطة الانطلاق الا عالم جــــــــــــــدهـ
صديق عب فل .. فلان رح جب لي دخان ..
طمر خوينا الثالث حرام بلله ماتدفع ولاريال .. وشيل ابوك وحطه وبغينا نهون لأنا تهاوشنا عند الحساب بس ربك ستر والهندي اخلف الفلوس منه وكرشني قال انته بعدين ادفع حساب مافيه مشاكل((صراحه طلع هالهندي عقلاني ميه في الميه))
واول ا لخير قطره.. حركنا من المحطه ومشينا لين جينا نقطة تفتيش التزديه ((الجديه)) وصفط ياضميني على اليمين وشيل التضليل .. التضليل ممنوع.. طيب طيب الله يعز الحكومه .. وابعد السياره بعيد علبالي بشيلها وارجع للشرطي بتضليله لقيتها طايحه مسلووبه من سياره قبلي قلت شف شلتها قال خذ القسيمه طيب وتقلع ((يازين الاخلاق)) بلعت العافيه وقلت شكرا ..
بعد عناء وبعد كم كفره بنشرت وبعد كم عطل ميكانيكي في السياره وصلنا الميقات واحرمنا .. وياماشاء الله مابه احلى منا مشغلين قران و لبيك اللهم لبيك ,, قمة البراءه .. بس صراحه الاحرام هذا مشكلته مشكله خصوصا اذا نسيت تشري لك حزام هههههههههههههه الله يهديها مصريه بغت تسحب حزامي وانا بالحرم بغيت اتوطى ببطنها.. معلينا اعتمرنا وخلصنا وعلىجده
بالتحديد شارع حراء .. شقق الجواهر 2
استأجرنا قلنا لازم نريح شوي لأن الليله معزومين في المطعم الايراني .. واحد من العيال عازمني((اكيد واحدمن العيال والا البنت اللي مرقمها بالشات هههههههههههه)) المهم بعد جهد جهيد ا قنعت خويتي اللي عزمتني اني اجيب خوياي اللزقات معي .. وانبسطوا ماشاء الله عليهم تقول اول مره واحد يعزمهم..
حذفناها نووووووووومه لين المغربيه..وعلا الحلاق وانواع التشطيب والسمكره.. تخبرون عاد الشباب السعودي لاجاء بيكشخ حط الحره كلها في هالخشه .((صنفره حلاقه عكس.. فرد شعر تقليم اضافر وهلم جر))
اخذنا فره في شارع التحليه .. بس الشهاد لله يأني تمنيت وقتها اني جداوي .. مب عايفن اصلي لا علشان ادل شوارع جده هههههههههههه .. اعنبوا حيهم لحسة مخ..
رحنا لخويتنا اللي عازمتني انا وخوياي بالمطعم . قابلتنا ياناس ياهوهـ اول مرتن اشوف بنت باهالجمال صراحه انا انبهرت وخوياي دلخو وخايفين. عاد صاحبكم يحب يحرج اخوياه واهو مبسووط لااخر وجهه قوي .
طبعا هالبنت ذي مرقمها في شات صوتي وكل يوم تكلمني با لساعات وصراحه اشتكيت في ا مرها.. ولما حظرنا العشا .. اعنبوا حيها حاجزه قصر افراح مب طاوله.. لدرجة ا ن العيال قاموا يصوروون الطاوله بيكشخون بها عند اخوياهم وشافتنا وقعدت تضحك .. اجل احد يصور كوب شاي علىطاوله؟ ((والله الطعوس صدز هههههههههههههههههه))<<<تذكر� � سالفة اللي تقول طفوله يائسه ههههههههههههههههههه
معلينا .. وصلت قافلة العشا اللي الله لايوريكم,, صراحه حسيت اني طول الخمس وعشرين سنه اللي راحت مااكلت شي .. العب على نفسي.. انواع الاكلات الشرقيه وا لايرانيه واللي مدري وش وانواع السلطات والحلويات الباريسيه((ليه عطر هي))
انا قليبي قام يطقطق من هالبنت حسيت انها على سنع مب مثلي اخر الشهر ماتلقاني طالع من البيت مب طفش من الخروج لا .. من الطفره هع هع ..
وهي دائما تسئلني ليش ماتدق علي .. واقولها تخبرين شغل وعمل وحر وصيف وتخبرين . وتصدقني ماتدري ان مابقى على الحد الائتماني الا ثلاثه ريال ومابي ادق واسكر((لانها حركات بنات هههههههه))
بعد العشا مادرينا الا خاش علينا ثلاث زيتونات .. ياميره يأميره. قالت خويتي نعم.. قالت الزيتونه الاولى ابو عبدالمجيد يقول انه بيطلع لندن الليله وبيجي بكره.. قالت الزيتونه الثانيه ..والاميره نوراا دقت علي قالت ماني جايه الا بعد اسبوعين لانها في كندا ,,
الثالثه الضاهر حقت طلبات بس جايه معهن هديه مجانيه ههههههههههههههههههه
يوم سمعت كلمة اميره.. طالعت في خويي قلت لعن الله ذا الدومه مشينا .. جينا بنطلع ..مسكت الاميره يدي((تخيل اميره تمسك يدك )) .. قلبي قرقع وحسيت بشعور ماهوب صاحي رجلي اليمنى نامت من زود الخجل ههههههههههههه
قالت ياضميني اجلس معليك . .انا احبك..
يوم قالت احبك.. قلت اميره ويحق لها .. اما انها تحب منتف مثلي والله ماعندها ذووق ههههههههه
وينط واحد من العيال في اذني قال امحق حب هذا والله الذوق العدم مالقت الا انت
قالت سمو الاميره والله ماتروحون.. صراحه حسيت انها زينا ماتختلف بحاجه .انا اول احسب الامراء لهم حاجاتهم الخاصه وطريقة كلامهم حتى بعض الاحيان اقول ماهم ا وادم مثلا اكيد لهم حاجه تختلف عنا ههههههههه((تفكير برائه))
جلسنا معه صراحه انها حبوبه واخلاق .. ومن دلاختي مرقمها بالجوال العام اللي باسمي,, قالت لي قلي عاد شنو اسمك الحقيقي. لأني قايلها بدر.. قلت صرااحه
اسسسمي لؤي((بيسوي فيها جداوي بالقوه هههههههههه)) قعدت تضحك قالت لؤي والا خالد ..
<<الله يعز الحكومه صدز..
تلخطبت قلت ايه صح وامي اسمها مزنه بعد ههههههههههههههههههههههههه ههه
وللحين انا اكلمها والله يالربع ان سحبت عليها لعنت خامسي وجابتني وان قعدت معها انكبت معاها ومدري شسوي احيانا اقول اني اسحب عليها واهاجر يمكن ماتعرفني.. واحيانا اقول اروح للاحوال وااغير اسمي يمكن ماتعرفني واحيانا اقول افلها معها واميره وانا امير مافيها شي,,
والله يستر لاتقرا موضوعي ذا تلعن خاااااااااااااامسي ..حتى اذا كلمتها قبل كنت اقط الميانه((لله يلعن شكلك . الله ياخذ نص وجهك.. اهبي اهبي.. وخري بس .. تلايطي))والحين والله ياشيخ لساني تعودة على الله يرجك يلاميره والله انك ذوق ياطويلة العمر .. ولاتخلو مكالمه من عبارة ((الله يعز الحكومه)) بعلمها اني احب الوطن ه هههههههههههههههههههه
قالت لي مره ابيك تسافر معي لرومانيا قلت انا ما معي جواز ((صرفها ))
شفتوا اني مهم واصرف اميرات <<من قدك ياشششششششششششششششششيخ
قالوا خوياي مشينا اخاف ابوها يجي ثمن يذبحنا .. ((يلعن تفكيرهم ياشيخ)) وانا معاهم انا ابي اجلس بس اللزقات ذولي نشبوا في حلقي وكل دقيقه واحد منهم يغمز لي . الاميره قامت وجلست جمبي يمـــه
ياويلي ياررررريحة عطرها ياناس .. حسيت اني دخت من العطر الرووعه وصرت اتنفس هواها((ليه الامبي سي هي ههههههههههه))..
قلت يالله ياطويلة العمر نستأذن((شف الفرق بين اول ياخشبه والحين ياطويلة العمر صدز خواف))
قعدت تناظر فيني واناظر فيها وتناظر فيني
عيوني ذابت من عيونها
قالت لي لازم تجلس معاي مره مره ماأسمح لك وقامت من الكرسي و
و
وقربت
و
..
نكمل في الجزئ الثاني[/align]
[align=center]وأتمنى من الجميع أنهم ما يزعلوووووون
والموضوع هذاااااااا للفكاهه فقــــــــــــــــــــــط
واللي بيزعل يرسل لي رساله خاصه على البريد الخاص
وشكرررااااااااااااااااااا اااااااااا[/align]
