إلى كل محبين نادي الاتحاد ...

بسم الله الرحمن الرحيم

أحبتي وأخواني جمهور نادي الاتحاد وفي هذا الصرح الكبير وكلنا يداً بيد لرفع همة جمهورنا الحبيب.

ونظراً للظروف الراهنة والفترة الحساسة والمهمة ولما له دور جمهور العميد في بث روح الحماس لنمورنا . ومباراة جوانزو الصيني ابلغ رد. ولما له من دور لجمهور الاتحاد من الإبتكارات والأهازيج الاتحادية المعروفة فسمعة جمهورنا ونادينا بلغت القاصي مع الداني ..... ولن تتوقف مسيرة العطاء والعشق لهذه الجماهير بإذن الله. أخوكم محب ومتيم وعاشق لنادي الاتحاد منذ رؤية اعيوننا ونحن صغار لشعار العميد . وانا من منطقة في قلب جده النابض وماشاهدته اعيونني من احتفالات ورقص وفرح يشمل جده كلها والبيوت تتزين بالشعارات والاتحادية في العصر بعد يوم الاحتفال يرقصون المزمار ويوزعون الحلوى والاطفال والشباب يحكون حكاية الاتحاد بالأمس. اذا هو (بهجة هذا الاتحاد ) . وعند الإنكسار تقول يالله كم اعشقه أكثر من أول هذا هو الاتحاد ياسادة(عشق ليس له حدود) نادي في جده نبض كل بيت اتحادي وكما قال استاذنا الكبير إياد عبدالحي "الكلمنتيشي " ((جدة إتي .... وبحر)) . نادي معلم لجدة وجدة معروف بي ببحرها واتحادها صدقت أستاذ إياد . اخوكم منذ تقريباً 16 سنة كنت احد اعضاء رابطة جمهور الاتحاد ولكن نظراً للظروف الدراسية والعملية الأن غبت عن الرابطة لكن مستحيل ان اغيب عن مدرج الاتحاد واحضر جل مبارياته من درجة ثانية محن لن نتمنن على الاتحاد . الاتحاد بهجتنا يانمور المدرجات. وكنت اتقابل مع بعض الاعضاء من منتدى رابطة جمهور الاتحاد ويحلى الكلام عن الاتحاد . وتقابلت ايضا مع اعضاء الرابطة في اماكن عامة .

إذاً نحن هنا من أجل الاتحاد من أجل الابتكار من أجل جمهور الاتحاد يزداد جمالاً فوق جمال.

أخواني أخوكم العبد الفقير أبتكرت أهزوجة أتحادية جديده إن شاء الله تعجبكم كل من سمعها من أصدقائي قال تجنن بصراحة والله . . أنا اشوفها حق مدرج وحتى موسيقياً تجي كمان بقوة . وتشمل اغلب واجمل القاب الاتحاد ولاعبي الاتحاد ولا ننسى جده أتي وبحر الي عجبتني جداً من أستاذنا إياد ولحنها جدا قوي . أولاً: انا حاولت مع الاستاذ فؤاد الأحمدي مسئول التراس النمور الذهبية على تويتر وارسلت ارقام جوالاتي وكتبت له أسمعها تلفونياً واحكم . وممكن ظروفه ماساعدت ولا الاستاذ فؤاد معروف بوقفاته مع جماهير الاتحاد . فقلت اكتب بعض كلماتها هنا لعل احد ممكن يفيدنا ..... تقول الأهزوجة .

نادينا والله (نادي الشعب ) ...... الرمز هو (نمبر ون )

إتي إتي إتحادي حبكم ساكن فؤادي

أوه أوه أوه أوه أوه أوه أوه أوه أوه أوه أوه اتحادي

يقولوا جدة (إتي وبحر ) ...... كيان والله (زي الصخر)

جدة ياجدة ياجدة أم الرخاء والشده

أوه أوه أوه أوه أوه أوه أوه أوه أوه أوه أوه اتحادي

إتي إتي إتحادي حبكم ساكن فؤادي

أوه أوه أوه أوه أوه أوه أوه أوه أوه أوه أوه اتحادي

وباقي بعض الكلمات المؤثرة والمحفزه للنمور وقائدهم .

والله ياأخوان كل من سمعها ابدى أعجابه من المقربين لي طبعاً وانا متأكد تمام الثقة أنها حتكون حديث الجماهير لما فيها من التفاعل وبث الحماس للاعبين خصوصاً ان الأن فترة حاسمة ومصيرية لنادينا ولازم نكون (جنبو مانتركوا أبد )

تقبلو مني فائق الحب والتقدير ،،،،،