احـذر رفيـق المصلحـة لا يباريـك

اغنام - ابل - دواجن - طيور

ياقلـب وشبـك كاثـراتٍ طـواريـك

قلـي عسـى ماشـر شاللـي طرالـك

ياكبرهـا لـن بيـح الوقـت خافـيـك

وانتـه طمـوح الغيـر فيـة ضلالـك

ماهي غريبـه عجـف الايـام تشقيـك

بـس الغريبـه لـن تمايـل عـدالـك

ميـل الدهـر حـذرا يقلـل مساعيـك

دوس الوغى لو كـان دربـك زمالـك

بوج البسيطه واسـع للـرزق ويجيـك

خلـك بعيـد الشـوح ويطيـب فالـك

ترى الفقر مثل الـردي مـن عوانيـك

اللـي تظـن انــه يــورد حبـالـك

وقـت الرخـا بعلومـه اللـي تهقويـك

وان صملـت وليـاك واقـف لحـالـك

فحرص على اللي عن ظما الوقت يرويك

يفرح ليا استريـت وان طحـت شالـك

واحـذر رفيـق المصلحـة لا يباريـك

اللـي يـرا قـدرك بحسبـة ريـالـك

ان زان وقتـك قـام يتبـع خطـاويـك

وان شـان دورلـه رفـيـقٍ بـدالـك

يذكـر لسياتـك وينـسـى حسانـيـك

وان شاف لك زلـه مـا يرفـأ خمالـك