استفسار عن رديد المعزا

اغنام - ابل - دواجن - طيور

السلام عليكم

يا اخوان انا عندي تيس عارضي قرع المعزا في شهر ثمانيه وتسعه ثم وقف وبدا فالمعزا اليومين اللي راحت هذي رديد يعني بدا بعضهن يرد من جديد والتيس طول عندي ما انتج وهو هالحين ثني يبي يربع والتيس خصم وغالي وعطيته اكثر من فرصه ما ودي استعجل عليه

لكن عندي اكثر من سؤال هل المعزا اللي قرعت من شهر ثمانيه وتسعه يمديها تبين عليها مواري الدفيع ؟؟

هل الحلال عندكم فيه رديد يعني يردن هالايام ؟

علما ان واحد من الزملاء نصحني وقال حط للغنم كلها هـ سيلينيوم السائل مع الما لمدة سبع ايام يثبت الضريع ويخلي الغنم تحني ويحرك الفحول ولا استخدمته لها الا من يومين فقط كنت متوقع ان المعزا كلها مسكت من شهر ثمانيه لكن حصلت علامات قريع على المعزا الصبح واضحه في حياها وحتى هو متحرك