لفظ الجلالة (الله) تحت اقدام الجماهير والمسئول الاول صلة الرياضية حسبيا الله + صور

بسم الله الرحمن الرحيم



السلام عليكم ورحمة الله وبركاته


صراحة مدري ايش اكتب او من وين ابدا موضوعي

دخلت للملعب طبعا عشان تدخل في جزء من التذكرة يقطعوه ويعطوك الباقي والجزء اللي يقطعوه يرموه بالارض

الجزء هذا مكتوب فيه استاد الامير عبد الله الفيصل

http://store2.up-00.com/Sep12/IKO40377.jpg

نبهت الاخوان المنظمين في صلة حطوها بصندوق اي شي قالوا طيب طيب دخلت صليت العصر

ووجدت كراتين موية فارغة اخذتها ورحة للبوابة

والله يا اخوان ماتحرك شي باقي واقفين داعسين على التذاكر اللي فيها لفظ الجلالة (الله)

والجماهير تدخل وتدعس

http://store2.up-00.com/Sep12/5QA40377.jpg

حاولت اجمعها بالكرتون جاني واحد من المشرفين قال ايش تسوي

قلتله اجمعها هدي فيها اسم الله

تخيلوا ايش الرد قال :انت تجمع ايش ولا تخلي ايش بالله هذا رد حسبيا الله ونعم الوكيل

لفظ الجلالة يدعس ولاحياة لمن تنادي ساعدني اثنين من منظمين صلة على الاقل لي ابعادها عن طريق ومدخل الجماهير ولكن العدد كبير جدا جدا ولايوجد اللا ايدينا نجمع بها

http://store2.up-00.com/Sep12/haQ40377.jpg


حاولنا ونجحنا في ابعادها ولكن مازالت على الارض ولكن هذه بوابة واحدة والبقية لا اعلم عنها والجماهير لاتعلم

حذرتهم في اكثر من مباراة من قبل
وفي مباراة البارحة تكلمت مع مشرفين واعضاء في صلة والله محد تحرك

اساسا خطأ مثل هذا

اذا كانو يعلمون وتجاهلوا فتلك مصيبة واذا كان لايعلمون فتلك مصيبة اكبر

المفروض توضع صناديق يحطون فيها الاجزاء التي تقطع ويوجد بجامعة الملك عبد العزيز قسم ياخذ الاوراق المستعمله ويجعلها وقف بي اعادة تدويرها واستخدامها ينسقوا معها

شركة صلة حسبيا الله ونعم الوكيل عليكم

اي احد يعرف احد بشركة صلة بالنادي في الاستاد قريبه صاحبه يكلمه ينبهم لاتسكتوا ولا هذي في رقبتكم انا كلمت ورحت وتفاهمت معاهم والباقي عليكم تكفون لايوقف الموضوع


خاتمه

ربنا لا تؤاخذنا بما فعل السفهاء منا ربنا وارحمنا انك ارحم الارحمين

تحية مليئة بالحزن
أخوكم/ولد 02 مكة