-
المترفه
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لعنبو قلبك ترفق بالضلوع وبالحنايا=ترى كل اللي حصل لك يالقمر ما هو بذنبي!!
أدري إني إنسان والله ما عصمني مالخطايا=بس: مو من حقك إنك تتهمني وتهرج بي
والله لو قلوبنا يا بنت مكشوفه عرايا:=كان ما شفتي إلا أنتي تاكيه في وسط قلبي
واللي يحرمني شبابي ما فتني فالصبايا=غيرك إنتي وخلي عنك ((زينب)) و(( هيفاء وهبي))
ما فتني فيك إلا بسمةٍ تذبح برايا=وما ذبحني فيك إلا حاجةٍ .. سبحان ربي!!!
الثقل بلسانك اللي حط لحروفك حلايا=كن حرف (( الراء)) بين أسنانك البيض متخبي!!!
يسعد أمك لا هرجتي كن لحروفك هدايا=وإن سكتي قام لي إبليس مالنوم ولعب بي
وإن جلستي للمرايا مدري من منكم مرايا!!!!=وإن مشيتي قمت أغني أغنية (( يا نار شبي))
مترفه ما تلبس إلا الجنز من تحت العبايا=وأنا والله ما فتني الجنز لو هو لبس غربي
ما فتني غير خصرٍ حط في قلبي كوايا=وما ذبجني غير شعرٍ ستر الصبح وغدر بي
بأعشقك منيه لين يزورني سهم المنايا=وأعشقك منيه لين أموت بك من زود حبي
واللي يرحم والديك تروف بضلوع وحنايا=والله يستر... والله إني خايفٍ لا يطيح قلبي[/poem]
-
خالد الزرقان
ياهلابك بغرابيل .. مصافحه اولى جميله
وننتظر الاجمل
صح لسااااااانك
ولاهنتتتتتتتتتتتتتت
النااااااايف
-
بأعشقك مِنّيْه..لين يزورني سهم المنايا
وأعشقك مِنّيْه..لين أموت بك من زود حبّي
خالد الزرقان
صح لسانك
والى الاجمل دوما
تحيااااااتي
-
خالد الرزقان
اهلا بك وبقلمك اخي
واهلا بهذه الموهبة الشعرية العذبة
مصافحة اولى ستجبرنا على انتظار جديدك
صح قلبك وكلك
وسلمت اناملك
تحيتي لك
-
خالد
صح لسانك
وحياك الله
يسعدنا انضمامك
اطيب تحيه..
-
حياك
الله عليك
تسلم على هذه الرائعه
احساس يغرد
على اغصان الحروف
لاهنت ولاهان غاليك
تحياتي
-
بيض الله وجهك على القصيده الطيبه
وبدايه قويه ننتظر المزيد
-
أخوي الغالي والعزيز / خالد الزرقان
صـــــــــح لســـــــــــانــــــــــ ـــك يالذيب
وأهلا وسهلا فيك بين أخوانك الشعراء وأخواتك الشاعرات ونورررررررررررررررت المنتدى
قلوبنا رحبت بك قبل أن ترحب بك السنتنا
سعدنا كثيرا وكثيرا بإنظمامك معنا
وسعدنا بمشاركتك يالغالي
والله يعطيك الف عافيه على هالقصيده الرائعه وإلي من خلالها إستمتعنا بإبداعك
وحياك الله
وبكل شوق ننتظر إبداعك القادم
تقبل خالص تحياتي ،،،،،،،،،،،،
أخوك: عبدالله محمد
-
خالد الزرقان
ارحب يالذيب ...مشاركه جميله جداً ...
نتمنى منك المزيد ...صح لسانك ولاهنت ...
بس عندي ملاحظه انا مافهمت هالبيت في الشطر الثاني
يسعـد أمـك لا هرجتـي كـن لحروفـك هـدايـا
وإن سكتي قام لـي إبليـس مالنـوم ولعـب بـي
تحيتي لك / مشاعر حالمه ...
-
نص بديع ..
دمت للإبداع أخي الشاعر :
خالد الزرقان
-
خالد الرزقان
وأهلا وسهلا فيك بين أخوانك الشعراء
وأخواتك الشاعرات ونورررررررررررررررت المنتدى
قلوبنا رحبت بك قبل أن ترحب بك السنتنا
سعدنا كثيرا وكثيرا بإنظمامك معنا
وسعدنا بمشاركتك يالغالي
وصح لساانك
وجاد بيانك
