بسم الله الرحمن الرحيم
كلنا نحلم بأن نلعب بألوان الأصفر والأزرق وأن نكون أبطالاً مثل ماجدونا ..
وش رأيك لو صار هالحلم حقيقه.؟!
أكيد بتطير من الفرحه ..
وبعدها تآخذ الرقم اللي تبيه وتجي تلعب أول مباراه وتبدع فيها وتسجل هدف وتسوي حركة ماجدونا المشهوره بعد تسجيل الأهداف والجمهور يصفق لك ويتغنى فيك ..
والمباراه الثانيه والثالثه نفس الكلام إبداع وتهديف ..
لكن المباراه الرابعه باقي على المباراه 5 دقايق وفريقك مهزوم وأنت منهد حيلك وتجيك كوره سهله وتفوت عليك تماس وتسمع واحد من الجمهور (واحد بس )يقولك يلعن *** و **** يا *** !!!
ساعتها وش بيكون شعورك .؟
بتتحمس وبتسجل هدف والا بتكره النادي وتكره جمهوره وتكره اليوم اللي جيت لاعب فالنصر؟؟
أكيد بتخرب الأخلاق عندك وبينزل مستواك وتصير معك عقده نفسيه ,,
وهذا هو اللي سمعته وشفته في بعض مباريات النصر من بعض الجماهير الي تسب اللاعبين وتشتمهم للأسف ..
أجزم بأن هذا الموقف قد مر على معظم لآعبي العالمي ..
والسبب في إنسان فاشل ينتمي للنصر وهو بمثابة الحشفه فالتمر ..
امآ أقول الا للهم لآ تعاقبنا بما قاله وفعله بعض السفهاء منا ..
