ذكرتني بسامي الى راح منساااق
[align=center]بسم الله الرحمن الرحيم .
السلام عليكم ورحمة الله وبركاته .
أسعد الله أوقاتكم بكل خير .
0
0
0
لن اطيل ,,, اطلاله جديده . . . أتمنى تعجبكم ![/align]
[align=center]"" القلب ظامي "" [/align]
[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
القلب ظامي والشرايين تشتاق = والشوق في وسط الشرايين ظامي
يارامين سهم الهجر وسط الأعناق = عنقي ترى ماينتظر قنص رامي
القلب دامي بسبّتك ياأبيض الساق = وش تستفيد اليوم والقلب دامي ؟
ياويلها عظامي ليا طروا فراق = ماعاد فيها حيل وانشد عظامي
حرامي بارع صرت للقلب سراق = ارفق علي مقدر أواجه حرامي !
ذكرتني بسامي الى راح منساق = وانا مدافع صحت من فن سامي !
البعد حامي والهجر حيل حرااق = انا اشهد ان البعد ياناس حامي
يكثر ملامي فيك يالعاشق العاق = لاتلومني لو زاد هرجي وملامي
وينه كلامي بكتبه وسط الأوراق = ما ظنتي همي يزيحه كلامي !
غرامي تايه في ميادين عشاق = ارجع ونعنش ما بقى في غرامي
عفته منامي لين حزات الاشراق = ماغير افكر فيك وقت المنامي
علامي حزني اشتعل فيني وفاق = فوّق همومي واستعان بعلامي !
كني محامي وانقطع حبل الأرزاق = شهادتي بيدي وادوّر محامي !
غمامي عتّم وابتدا الهم سبّاق = عقب البياض اشلوون عتّم غمامي ؟
اسمع ختامي واحفظه وسط الاعماق = ارخ المسامع للحروف الختامي
ان جيتني ظامي بشرايين تشتاق = ابشر بقلبن من عنا الشوق ظامي
وان جيت رامي هجرك بوسط الاعناق = عنقى ترى ما يطعنه الف رامي[/poem]
وسلامتكم ..
ص ـالح المرزوق ..
