((التحطيــم )) دمآآر للمواهـب و المستقبل " >> نقاش

السلام عليكم ورحمة الله وبركاته

.

.

ساره وامل اخوات ,,

ساره : امل شرأيك بالتصميم هذا

امل : الله مرره روعه مين مصلحه بس شي بسيط مخرب عليه بس مادري وش

ساره : انا صلحته وواو وناسه اعجبك

امل : نعم انتي مصلحته !! .. ممم تصدقين احس فيه شي غلط مادري التصميم مو ذاك الزود واحسه غلط بكبره

.

.

الام وبنتها نوف

الام : مبروك يابنتي تخرجك من الابتدائي .. ماقلتي لي ماما وش ناويه تصيرين بعدين

نوف : الله يبارك فيك يمه ,, انا حلمي ادخل طب واصير دكتوره

الام : نعم وش قلتي طب ؟ ماعندنا بنات يدخلون طب وبعدين انتي ماتقدرين للطب

الطب صعب ويحتاج ناس فاهمه وبعدين انا ابيك تدخلين رياضيات احلى لك

.

.

مثل هالنماذج كثير نشوفها ونعيشها احيانا
ليه التحطيم دايم نسمعه .. ليه مانستبدل عباراتنا بشيء جميل يبني الثقه بنفوس اطفالنا واللي حولنا
ليش امل بعد ماعرفت ان التصميم لاختها غيرت رأيها وبدت تحطم بساره ؟!
الام كان بأمكانها توصل رأيها بالطب من غير ماتحطم نوف ؟!

.

.

التحطيم نشوفه بكل كلامنا .. صرنا نستمتع بالتحطيم
حتى احيان الواحد مايحس انه قاعد يحطم الشخص الاخر مع انه
لو استبدل التحطيم بالتشجيع كان ممكن ينتج نجاح يتلو نجاح


كفاية تحطيم نبي التشجيع يلون كلامنا ينعش افكار ومواهب ممكن تتطور

^^


المآيك لكم ::)
اتمنى من الجميع يقول لنا مواقف,,!
وكيف العلاج من التحطيم؟
وكيفية التشجيع؟