طيب وبعدين....للعقلاء فقط ولادارة المنتدى

كيفكم يا احلى جماهير في اسيا

ان شاء الله كويسين

........خليني ادخل عرض في الموضوع
منتديات نادي الاتحاد من اجمل المنتديات ويمكن المنتدى الوحيد اللي ادخلوا
بس تدروا ان اكثر مشاكل الاتحاد بيكون سببها الجماهير يطلع لك واحد يقولك لا المدرب مدري اشبو ما عندوا تكتيك يجي واحد يقرا الموضوع والثاني والثالث وتسير مشكله ويتسبب فيها اقالة المدرب.... :r
ولا يجيك واحد يقولك المحترفين تعبانين ويشعلل ام الدنيا ويجر معاه كم واحد للاسف ومع احترامي ما يفهموا شي بالكوره ويلا عشان نرضي الجمهور نغير المحترفين :p

طيب وبعدين....


يعني انا ادخل هنا والله بس اضحك على عقول بعض الناس زي في موضوع كان في المنتدى بعد مباراة الرائد يقولك امبامي تعبان وما يعرف يلعب ويبغوا يسوى مشاكل وحكم على اللاعب من اول مباراه :(( كيف كدا كيف تفكروا والمشكله الين دحين امبامي افضل واحد بالفريق كلو.

طيب وبعدين,,,

وقبل شويا اقرا المواضيع في موضوع كاتبين اللاعبين ما عندهم تكتيك ولا فكر كروي ولا شي بس بيغنوا ويصفقوا يا سلام يعني مستكثر عليهم انهم ينبسطوا وقت تمرينهم
ترى ماهم عبيد عندنا (تتمرن بدون ما تتكلم وتقلب وجهك بيتك تنام )
نعم...نعــــــــــــــــــ� �ـم يا اخي لو لاعبيين الاتحاد ما يسووا اشياء زي كدا وينبسطوا وقت تمرينهم وياخذوا التمرين انه فله وضحك و ونس عمرهم ما رح يركزوا مع المدرب ولا رح يلعبو
ومع المشاكل اللي بتسير في النادي.


طيب وبعدين,,,


ولا يجيك واحد يقولك ليه رئيس النادي ما يطلع يشتكي الفيفا على التأجيل اللي صار اليوم
يا سلام الفيفا ايش رح يسوي كأقصى حد يمنع المنتخب من المشاركه في المسابقات العالميه ( واساساً المنتخب فاشل يعني لو ما يشارك افضل له واشرف له )
وبعدها تسمع استقالة المهندس محمد الفايز وابتعاده عن الرياضه :r
نفس اللي صار مع منصور البلوي بالضبط .
ونرجع من جديد في تشكيل اداره جديده واحنا ما صدقنا صار شوية استقرار....


طيب وبعدين يعني ترا كلو كلام فاضي ما منه الا انه بتصير مشاكل واحنا والله مو ناقصين

عموماً بس احب اوجه رساله لادارة المنتدى ياليت ماواضيع زي هذي اللي تسبب مشاكل للنادي واللي ينزلها اصحاب العقول اممممممم الكبيره :j
اتمنى انكم تنتبهوا واول ما تنزل تحذفوها......


وشكراً للجميع واسف لو اخطيت على احد,,,,