غنم نعيم طيبة مقاني غنم مراح

اغنام - ابل - دواجن - طيور

السلام عليكم ورحمة الله وبركاتة
اخواني عندي غنم نعيم طيبة بالحيل عددها 80 راس مولد منها 20 و40 دفيع وبعضها مقربة و20 رخال طيبة مدري لاقت الخروف وإلا لا العالم الله
لاكن الغنم طيبة واسنانها شبب ماعدا 5 مدري 6 تامات يعني الاغلبيه شبب والغنم مطعمه وبصحه جيده معدا وحده طلع فيها مثل البعج ببطنها وشان حالها ولاكن لها ولد
وفيها فحول عدد2 وفحولها مسيومه الاثنين قبل سنه كل واحد ب5000 ريال علي ذمة راعيها قبل اشتريها
التطعيمات:
ا- معومي
2- دموي
3 تطعيم ضد القطبه ( الجدري)
وانا والله والشاهد الله ماكان لي نية بيع لاكن كانت الغنم بمزرعة والدي وعرض مزرعته للبيع وباعها
والحين انا مؤظف والغنم بديرة وانا بديرة لاوتبي لها وايت وتبي سنع واهل الحلال تعرفون لازم يكون راع الحلال جنبه
ولاني فاضي لها
واليوم قررت بيعها وجيت اعرضها هنا بالنت
علما بان الغنم في مدينة ساجر وانا بالرياض واطلع لها خميس وجمعه
فإذا فيه زبون صامل وشرائي ويترزق الله الغنم فيها باذن الله رزق
(((((((( ارجوا ان لايسوم الارجال صامل ولا اعتمد اي بيعه الا بعد الشوف والحوف))))))
وربي يرزقني ويرزق مني
.......
انا عليمي بحاول انزل الصور وان شاء الله ينزل

ماقدرت انزلها لاكن اذا فيه احد من الاخوان اعطية اميلي واضيفه وارسلها له بالاميل علي شان ينزلها
واكون له من الشاكرين