لأهل الكيف قهوة تركية شغل بيت خبره 15 سنه

وصلت الدفعه الثالثة
بتوفيق الله

السلام عليكم ورحمة الله وبركاته
اولا نصائح من خلال خبرة :
القهوة مزاج وكل يقيّس راسه على مزاجه , فيه ناس ما يرغبون الفاتحه وفيه ناس يرغبونها محروقه والمحروق درجات
= القهوة لها فوائد وايضا لها مضار طبعا للي عندهم ضغط او خفقان او يشربون اكثر من اربع فناجين في اليوم
= لن اتكلم عن فوائدها او مضارها لإنني اشربها من 15 سنه كمزاج وليس لان لها او ليس لها الدعوه كيف
والحمدلله ماشفت منها الا العافيه لكنني لا اكثر منها واشربها يوميا بمعدل ثابت اربع فناجين مرة واحدة في اليوم
= جربت جميع انواع القهوة في استخدامها كـ قهوة تركية
= اشتريت وجربت جميع انواع القهوة الجاهزه من المحلات ولا انصح بها كلها فمصدر القهوه الله اعلم به خصوصا محلات بيع القهوة ولا احد يقولي ستاربوكس ولا غيره " القهوة التركيه " اذا ما تصلحها بيدك وتشتريها بيدك ماهي قهوة
= بعض النصائح لعمل القهوة التركية :
افضل طريقه لعمل القهوة التركية"لكن تحتاج الى متابعة" وقت بسيط وهي ان يكون الماء بارد وتضع القهوة والسكر فيها ثم تحركهم حتى يذوب السكر ثم تضعهم على نار هادئة حتى يبدا بالغليان واذا كنت تريد ما يسمى " الوش" او " الوجه" لا تجعل الماء يغلي "يفور" كل ما شفته يبغا يتقلب تبعده عن النار حتى يهدأ ثم تضعه على طرف ثلاث مرات بدون فوران

الطريقه الثانيه وهي الاسرع : تضع الماء حتى يغلي ثم تضيف السكر ثم تبعده عن النار وتضع القهوة ثم تضعها على طرف النار وان بغيتها بوجه زي ما قلنا سابقا وان كنت مستعجل تخليها تقلب ثلاث قلبات وتبعدها عن النار .. وسلامتكم

من خلال خبرة : الماء الصحي "اللي يباع بالعلب , منهل او غيره " ما يصلح للقهوه التركيه كطعم
والافضل خلط الماء الصحي بمقدار بسيط من الماء العادي "الحنفيه" يعني ثلاث ارباع الى ربع مويه عاديه " عن تجربه " وكل حسب مزاجه

نأتي للعرض / وسامحونا طولنا عليكم
قهوة تركية شغل يدي انا اشتريها وانا احمسها يدوي وايضا اطحنها بمطحانة بالبيت خاصة بالقهوة التركية
وهي القهوة اللي اشربها من سنوات وسبق واستخدمت الهرري و باشنفر والخولاني و البرية ولا اجد افضل من القهوة التي استخدمها الان
وهي القهوة " البرازيلية " ولكن رقم واحد ويعلم الله اني احجزها حجز لانها نادره ولا تقعد بالسوق

نوع القهوة المستخدم : برازيلية رقم واحد
سعر 1 كيلو قهوة تركية مطحونة = 50 ريال علما ان محلات القهوة تبيع الكيلو بـ 40 ريال لكن ليست برازيلية رقم واحد -

نصيحة : لا تشتري كل الكمية مطحونة ولاافضل تشتريها حب وتطحن يومي حتى تبقا طازجه واحتفظ بالباقي في الثلاجه "الفريزر"
وكل ما بغيت تسوي قهوة اطحن لك كمية بسيطة

الموقع الخرج يد بيد والرياض قدر المستطاع نوصل
خارج الرياض الشحن على المشتري عن طريق زاجل

القهوة اللي عندي " نيّه" وحاطها في الفريزر ولا احمس الا على الطلب لاني اعتبرها شي مهم بالنسبه لي ولا افرط في حبه وحده
لذلك لابد من اعطاء فرصة بعد الطلب لتجهيز الكمية وحسب الطلب تبيها مطحونه او حب وانا انصح يكون جزء وجزء زي ما قلت فوق حتى تبقى طازجه وهذا الامر نصيحة مني لك وكل على هواه

اللي عنده كلمة خير يقولها ,, لم يسبق لي ان بعت القهوة والامر مجرد تجربه ان رزقنا الله ولا بقينا على وضعنا ونشرب قهوتنا ويارب لك الحمد

صور من تصويري لنفس قهوتي "جوال ايفون"

اي سؤال او استفسار بخصوص القهوة لا تتردد حتى لو ما تبي تشتري
http://img.haraj.com.sa/userfiles30/...17f6a44eda.gif

http://img.haraj.com.sa/userfiles30/...17f7c1978f.gif

http://img.haraj.com.sa/userfiles30/...17f8fe01e2.gif


رابط الموضوع في موقع حراج
http://haraj.com.sa/111309240