اغنام - ابل - دواجن - طيور
السلام عليكم و رحمة الله و بركاته
يالربع انا شريت 4 جفار من راعيها يوم كانت اعمارها شهر وكانت مواليد شهر محرم وعلي اساس انها اذا كملت 3 شهور جيت و حملتها من عنده
اي بمعنى اذا دغرت وفطمها و في بعض الاحيان كنت اجيه من فترة ل فترة واحصلها مره عازلهم و مرة لا ومعطيهم برسيم و كنت اسال عامله يقولي يعزلهم 3 ايام ويفكهم مع امهاتهم يوم
ويوم جيت اشيلها ماش ما حسيت ان جرومها طيبة و من يوم دخلت عندي من 3 شهور او اربع شهور عزلتهم مع كذا جفرة زود و اعطيهم بروتين 18 مع شعير الصباح وقبل المغرب نص لبنة برسيم علي اساس يفزون لكن الي حصل عندي العكس الي الحين جرومهم ما تغيرت
الشعره زانت الصحه والحمد لله زينة التطعيم حرص عليه لكن الجروم يالربع ما فزت ما تحس انها ام تسع شهور
جبت بيطري قالي احتمال من نقص الحليب وراعيها قبل يقولي لا كانت تدغر
لكن البيطري يقولي خل نشتغل شهر علي فيتامينات ونشوف الوضع
وحبيت اسألكم بما ان خبرتكم ماشاء الله احسن مني
وش الحل برايكم
طبعا ما عاد فيه لوم مسأله ليش ما قلت لراعيها .. انا كنت اساله واقوله هل هم يدغرون دايم قال ايه لكن مدري
بعض الاحيان اقول فيها عين لانها من المزايين وبعض الاحيان مدري
ما احب اطول عليكم والله يجزاكم خير ويبارك لنا ولكم ويمتعنا واياكم بالصحه و العافية
