نادي الاتحاد.....وجنون جماهيره

بسم الله الرحمن الرحيم

احب أمسي / اصبح على جمع أعضاء المنتدى وعلى جماهير العميد


.....لاحظت انوا كثير من جماهير الاتحاد مو راضيين عن مستواه وانا معاكم وفي ناس يحبوا يطلعو اشاعات اللي يقول اللاعبيين مو مرتاحين واللي يقول كانيدا مو عارف يحط خطه مناسبه
وكل واحد بيتكلم من زاويته الخاصه.


بس لو جينا للمنطق والعقل وفكرنا ليه فريقنا اللي كان يسوي جنون في الملعب زمان دحين هوا بيفوز ولكن مستواه غير مرضي رغم ان الفرق السعوديه اصحبت اقوى من السنوات التي مضت لانه أول كان موجود فقط الاتحاد والهلال.
بس احب اقولكم الاتحاد لاعبين بيلعبو بكل طاقتهم والاداره بتسوي اللي عليها وزياده اقولكم ليه...

اعطيني فريق في العالم كله عليه ديون متراكمه من كم سنه وجالس يلعب اعلى من مستوى الاتحاد او بنفس مستواه .

اعطيني فريق يغير في الموسم الواحد اكثر من مدرب وفي اقل من سنه جاهم مدرب وما خلاهم ينهزموا ولا مره .

اعطيني فريق في الموسم الواحد يغير محترفينه اكثر من مره ومع كل انتقالات (سواء صيفيه او شتويه ) ومحترفينه بيلعبو من قلب واللي اكثر واحد مستواه طايح فيهم الى الان صنع 3 اهداف وجاب هدف.

اعطيني فريق في العالم كله كل ما يجي مدرب يطلع من اللاعبين الشباب وينزل غيرهم وتلاقيهم بينسجموا مع الفريق الاول بسرعه .

أعطيني فريق في العالم كل ما سوا شي اتحاد بلده يغرمه على طول يعني اضطهاد بقوة عين والاعلام مو معطيه حقه لانه ليس من اندية اصحاب النفوذ وجالس يلعب ويحارب زي الاتحاد .

يعني اشياء كثيره بتسير مع النادي وكل واحد مو عاجبه وانا اراهن انه في كثير مايبغى المدرب ولا المحترفين مع انه كان من الناس اللي طالب بأنهم ينضمو للاتحاد.

كثير من المتواجدين هنا مو عارف هوا ايش يبغى وللمعلوميه مافي فريق في العالم ما يطيح مستواه او ينهزم
لاعيبتنا وافقوا انه حقوقهم تتأخر حباً في النادي وللشعار وبيلعبو من قلب .

في الاول والاخير الاتحاد هوا نادي وكيان مو فريق حواري جمع عيال وألعب وابغى افوز
ترا الاتحاد كل موسم بيلعب اسيا والدوري وكأس ولي العهد وكأس الملك وترى لاعيبتنا بشر لسيوا مكائن.
وانا متأكد وخاصة لاعيبة الاتحاد كل واحد منهم وكل موسم يجيه مليون عرض وعروض اكبر من عروض الاتحاد بس بيرفضوا حباً للنادي

فـــــــــــرفقــــــــــ ـــــــاً برجـــــــــــــــــال فريقنــــــــــــــــــــ ــــاً
ان رحلو سوف تندمون اشد الندم


فكفاكم جنون يا جماهير الاتحاد وكفاكم ضغط على ناديكم....
والله ثم والله ثم والله نادينا افضل نادي في الدوري إلى الان


وآسف على الاطاله عليكم وشكراً على كل من يتابع مواضيعي