كانيدا بتخبط بنلعن خامسك مافي تطبيل......

السلام عليكم ورحمه الله وبركاتو

احب امسي عليكم ياجمهور الذهب والله يجعل كل ايامنا افراح.........
الموضوع ادخل فيه ع طول، انا ما ادري ليش بعض الناس متعصبه لشخص في النادي وتوقف في صفو سواء كان ع صح او ع خطاء. احنا يهمنا مصلحه نادينا وبس كانيدا تدرب زي الناس وتمشي صح نحطك فوق روسنا، تحط تشكيله كويسه وتكتيك اوكي ومانفوز برضو انتا ع روسنا لكن تطبخ وتخترع في مراكز اللعيبه وتحطلي خطه ماادري ايش تبغا بنلعن خامسك. واللعيبه كلهم نفس الشي الاجانب والمحليين. يعني في بعض المشجعين كانو امس يطلعو اعزار لكانيدا ليش يلعب نايف طرف يسار:::00::: :::00:::، ياخي ليش والله انا نفسي افهم ليش تدافع عن الرجال، هوا مدرب زيو زي اي مدرب بكره بيفشل بيشيل قشو ويمشي و حلني وقتها ،غلط لازم نقول غلط مو نطبل ونمشي هادي مصلحه فريق. انا كمشجع اتحادي يحز في نفسي لمن ادخل المنتدى قبل المباراه واشوف الجمهور كل واحد يدرس كيف نفوز في المباراه الي ضد هجر "مع كل احترامي لهجر ولمسوبين هجر واحد واحد"بس هادا الكلام اول ما كان يصير، وبعد المباراه كل الشعب فرحان كانو فزنا ع مين، هادا كلو مين السبب فيه "احنا" الجمهور. ليش؟ عشاننا نجامل فلان وعلان ع حساب النادي.


والسلام خير ختام

:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$ :$:$:$:$:$:$:$:$:$:$:$:$:$:$:$:$