الخطااااء مكروووه

[align=center]]اخواني واعضاء منتديات غرابيل
هذه مساجله شعريه قديمه بيني وبين الشاعر / ناصر بن شعيفان الهذيلي
والبدايه كانت عند شاعرنا ناااصر

[poem=font="Simplified Arabic,6,white,bold,italic" bkcolor="transparent" bkimage="backgrounds/32.gif" border="groove,4,gray" type=0 line=0 align=center use=ex num="0,black"]
الخطأ مكـروه قلبـي مـا يحبـه = يدخل العقال في وسـط النشايـب
و(.......) يتعب العـراف طبـه = ما يجيب إلا الفضايح والمصايـب
شغل الموتـر نبـي درب ٍ نذبـه = يا محمد يـا مجـري كـل هايـب
خابرك سبـاح تسبـح كـل غبـه = مايهمـك لا بسيـط ولا تعـايـب
نصه اللي ما سمعت أحد(ن) يسبه = وان بدا بالهرج جاك الهرج صايب
محسن سيف(ن) فاللـوازم ينصبـه = بنتـذرا فيـه عـن لفـح الهبايـب
بارقـه مرفـوع لـه بالعـز قبـه = من على الجدان من جزل الوهايب
حبله يارد الماء البعيـد وينشربـه = لو بعد الأرض عن نصب السحايب
ابن فهم كـل درب(ن) يقتلبـه = يقتلب بالطيب يـوم الاش خايـب
وانصاه الضيـف قولـة مرحبنبـه = تشهد الاجنـاب والربـع القرايـب
من عزاة(ن) ينزلـون بكـل خبـه = مـن يعاديهـم تلاقيـه العقـايـب
مسندي جبر(ن) عزيز(ن) ينزعمبه = وان تواجهت النشايـم بالطلايـب
هم قضاة الحـق والمخطـي تدبـه = يردعون أهل الخطـا بسـم ذايـب
محسن راع الطيب عنه ينهرجبـه = ينهرج به بين شبـان(ن) وشايـب
والحظيظ اللي حظيظ(ن) عند ربـه = ما يولـع بيـن خلـق الله نشايـب
يوم بعض النـاس شيطانـه يعبـه = راعي النمات يشري كـل عايـب
شفـي الطيـب وعرفـه ينكتـبـه = مقطع(ن) للحق ما هيـب اللعايـب
فالشدايد أهـل المعرفـه ينركبـه = وان تعنوت فالطرق عوص النجايب

وهذه قصيدة الرد على الشاااعر / ناصر بن شعيفان الهذيلي

مرحبا ً بالجيب واللي راكب(ن) بـه = مرحبا في مرحبـا والبـال طايـب
ومرحبا بالخط واللي مرسل(ن) بـه = عد ماسارت على الأرض النجايـب
من حكيم(ن) فالمثايـل ينضـر بـه = له شـداد(ن) فالمثايـل والصوايـب
الرفيق اللـي سواتـه ينوثـق بـه = مالحقنا شك ابـه لـو كـان غايـب
يانديبـي جهـز الموتـر وعـبـه = جهز المنجوب ياعطـب الضرايـب
لاتهـمـك سرعـتـه ولا مطـبـه = جـود الطـاره وشببـه الهـايـب
لا تحيـل الرجـل لـو دق المنبـه = يمكـن الأمبيـر بالطبلـون سايـب
وصل المكتـوب للـي نفتخـر بـه = حاسبينـه مـن بعيديـن الحضايـب
سلمـه ناصـر وقلـه يحتفـظ بـه = يحتفظ بـه فـي ثمينـات الحقايـب
يا فهيـم العلـم الـه فطحـه ولبـه = ولـه كرعـان وجناحيـن وترايـب
فيه علم(ن) واضح وعلم(ن) مشبـه = وعلم ميت(ن) ماعلى قبره نصايـب
أن صدفته ظاهر(ن) في راس تبـه = ذي عجيبه من غريبـات العجايـب
لا تفوتـك مسكتـه لـو قيـل كبـه = ذي كسيبه مـن ثمينـات الكسايـب
وانتبه من راي عفـن(ن) تنخدعبـه = تحسبنه ذرب من ضمـن الذرايـب
أحذر الشيطـان كـم واحـد لعبـه = أحذر الشيطان ملعـون الصلايـب
كل ما يطري عليـك ابليـس هبـه = وأستعذ بالله مـن بعـض السبايـب
سوق يشراء به وسـوق(ن) ينجلبـه = وسوق يمه مـا يساقـن الجلايـب
ورجل(ن) يحسبله ورجل(ن) ينحسبه = ورجل مايذكر بحـزات الحسايـب
ولا تخيل أخيال(ن) أيسوقـه مهبـه = لو فيه بروق ورعـود(ن) حطايـب
والقصير اللي علـى الكرمـه تنبـه = ياجب انـه فاللـوازم مـا يغايـب
والسموحـه كـان فالمعنـى تشبـه = يا لله أني لك مـن الـزلات تايـب
[/poem][/align]

حجر المكااااااااااااااااااااا اااااااااااان










لنا عوده للجمال والأصاله

محسن بن فهم الهذيلي

صح لسانك ولسانه

وسلمت اناملك اخي


تحيتي لك

**

محسن

صح السانك يالجزل

وسلم بنانك

يسعدنا ويشرفنا حضورك

حياك الله

وألف هلابك

تحيتي

السلام عليكم


اخى محسن بن فهم الهذيلي


صح لساانك ولساانه ولاهنتوا


اختك ديمة الشوق

أخوي محسن بن فهم الهذيلي


ارحب والله يحييك بين أخوانك وخواتك اسرة منتديات غرابيل

هـلا وغــلا


صـح لسااانك وسلم قلبك وفكرك


صوت وصدى في قمت الجزاله والابــداع


لــك فااااائق احـتـرامي وتـقـديري

صح لسانك

[align=center]اخواني اعضاء منتديات غرابيل

يشرفني ويسعدني مروركم الكريم على موضوعي ويزيدني فخراً تعقيبكم .
تقبلوا خااااااالص تحياااااتي وتقديري ,,,,,,,,,,,,[/align]

أخوي الغالي والعزيز / محسن بن فهم الهذيلي
صـــــــــح لســــــــانــــــــــك يالذيب
وأهلا وسهلا فيك بين أخوانك الشعراء وأخواتك الشاعرات ونورررررررررررررت المنتدى يالغالي
قلوبنا رحبت بك قبل أن ترحب بك السنتنا
سعدنا كثيرا وكثيرا بإنظمامك معنا
وسعدنا بمشاركتك يامبدع
والله يعطيك الف عافيه على هالقصيده إلي أستمتعنا معها كثيرا وكثيرا
وبكل شوق ننتظر إبداعك القادم
تقبل خالص تحياتي ،،،،،،،،،،،،،
أخوك: عبدالله محمد